ცვივოდა ციდან ცვარ-მანანები, ყვავოდა ვარდობისთვე, ზურმუხტისფერად გენთო თვალები, თავადაც, ჰგავდი ზღვისფერს. და აგითრთოლდა, როგორც ნიავი სული, დროშასთან დახრილს. სული მანანა ორბელიანის და ძარღვი ამილახვრის. შენს ბაგეებზე მარწყვის თქორი დგას, ნიბლიამ გიგალობა, ალბათ, ჩამოჰყევ , ბარში ფხოვიდან ირმების მყვირალობას. წუხს ერთგულება, უკვე, აჩრდილი. იარებნაკორძალი. იქნებ, ძეწნა ხარ, ქარში გაჭრილი, ან, იქნებ, ამორძალი. ცით სერაფიმა იწვდენს ბროლის ფრთას, ღრუბლებში ისე ტვიფრავს: „ცდებით, ბატონო, ვერვის მომიკლავთ, საქართველოზე ძვირფასს.“
კომენტარები |
ილუსტრაციები |
რეცენზიები |
|
2. თქვენ არ ცდებით, კრავაი :))) ++ თქვენ არ ცდებით, კრავაი :))) ++
|
|
მონაცემები არ არის |
|
|