ნაწარმოებები


ურაკპარაკის მობილური ვერსია!!!     * * *     შეიხედეთ თემაში: ურაკპარაკის ფორუმი >> ლიტერატურული საიტის შესახებ >> ურაკპარაკის მობილური ვერსია - http://urakparaki.com/?m=13&Forum=1&Theme=1509

ავტორი: გილო
ჟანრი: პოეზია
4 იანვარი, 2021


კავშირი


როცა ალუმინის განიერ ქვაბს
არც ისე ხმელი შეშით დანთებული ღუმელი
ბეჭებზე მოიდგამს,
გული მითბება და დუღილს ვიხანგრძლივებ.
ამ დროს დედები ცოცხლდებიან,
საზიარო შვილებზე ყვებიან ამბებს,
ნაცნობი ზრუნვით ატკბობენ წარმოდგენებს
და ზამთრამდე იტრუნებიან,
სანამ პირველი ქილა გაიხსნება,
სანამ არჩევანი შეჩერდება,
მარწყვზე, ატამზე, კომშზე ან სულაც თეთრი ბლის კომპოტზე,
ფიქრები იმ მოლოდინს აშოშმინებენ,
რომელმაც სიმშვიდის  დაბადება
ბავშვობის სევდისგან უნდა გამიჯნოს.
მერე  სარდაფის ექომ
შეიძლება დედის ხმითაც დაგიძახოს
და თაროზე ჩამწკვრივებულ მოტივტივე ხილის კოლბებში აიმღვრეს ზამთარი.


კომენტარები ილუსტრაციები რეცენზიები