ხვალიდან კარგად არაფერი აღარ იქნება,
სახლიდან სიცილი გაიქცევა და ეზოგადაღმა, 
რომელიმე ორმოში დაიდებს ბინას,
თავზე ხმელ ფოთლებს წაიფარებს
და ჩემს განწირულ ხმაზე ბავშვივით დაიმალება,
იატაკიდან მორიელები ამოვლენ :
სულს რომ დამიკბენენ,
მერე გულის გზებს მოიძევენ ყიჟინით.
გამეღვიძება :
თვალებს მოვიფშვნეტ-
და როცა უნდა გავიღიმო ,
და როცა შვება უნდა ვიგრძნო,
და როცა  უნდა გამიხარდეს ,
რომ ეს ყველაფერი სიზმარი იყო,
ცხადის კოშმარი შემომიღრენს და
ცოცხლად დამიწყებს ჭამას…