ჰო, გავიცინეთ, ქრისტეც ვიგლოვეთ,
ცოტა დავლიეთ , ცოტა მოვეშვით.
ჯერ სიყვარული გამოვიგონეთ,
მერე ჩავეშვით სიმარტოვეში.
გზის პირას ბევრი უცხო ყვავილი
ღუოდა, მაგრამ მე ამ ყვავილებს
ვყავდი წყობიდან გამოყვანილი
და დღესაც გული მომაყვანინეს.
არაფერია, მალე გაირბენს
სიცოცხლე, როგორც სინდიოფალა.
მაინც მადლობა არსთა გამრიგეს,
უსიყვარულოდ რომ არ ვყოფილვარ.
ცხოვრების კადრმა ასე  აჩვენა:
თვალებს დაგთხრიან , კისერს მოიტეხ.
ნუ გიხარია , წყევლე გაჩენა:
თუ პოეტი ხარ,
თუ პოეტი ხარ !