შენ კი არა და,
განგებას,
დანანებია ჩემთვის,
უფრო მეტი და...
არ დგება
წამი წამებთან შერთვის.
შენ დაიჯერე იმის,
რასაც სარკეში ხედავ,
სწორედ ამიტომ გიკვირს
და ამიტომ ვერ ბედავ.
დროს ნუ ენდობი,- ყალბი,
ირგვლივ ყველაფერს თელავს,
ენდე ხასიათს, ყალიბს,
სხვა გადახაზე ყველა.
შეხე გაზაფხულს, მაისს,
თუ შეიცვალა ნირი?
ტოროლით ივსებს აისს,
ღრუბლებით ისევ ტირის.
შენ კი იძახი: - დავბერდი,
სხეულს იფარებ ფარად,
სიკვდილს რად უნდა ლოდინი?
ისე არ მოვა განა?