როცა მზე  არის ,ჩემთვის  მაინც ღრუბლიანია ,
ყველა  ქუჩაზე - თუ შენ  იწყენ , თუ იღუშები .
ამოვუხვიე ხეივანზე  ლუბლიანადან ,
მარტო  იყავით  სახლში  შენ და  თუთიყუშები .
ალბათ  , კედლები  გამთბარია  თქვენი  გალობით ,
რა იჭიკჭიქეთ ,მეც  გამანდეთ , რამ გაგახარათ ?
ვსწავლობ  თქვენს  ენას ძნელად ,მაგრამ თანდათანობით ,
სულ  სხვა  სამყაროს შესაცნობად ,დასანახავად .
და ყოველ დილით ,სანამ ყველა  ოთახს  უკლებლივ 
მოვივლი , თითქოს, მივუყვები სტვენით ამაზონს .
მიმაცილებენ სამსახურში  ხმები  ჯუნგლების :
,,უნდა გაკოცო,, ,,ჩემო კარგო ,,  ,,ჩემო ლამაზო ,,