ნაწარმოებები



ავტორი: მათე
ჟანრი: პროზა
17 მარტი, 2009


რაინდის რომანი (კარი მეორე- 3 და 4 თავები)

                                ორი ლოცვა

                                              ,,ბოროტეულის მსხვერპლი სიბილწეა
                                                ღვთის წინაშე, წრფელთა ლოცვა კი
                                                                            სათნოა მისთვის.”
                                                                                          იგავ. 5.8.

,,უფალო ღმერთო, მამაო ჩვენო...’’
                                                  ,,...ამ მსხვერპლწირვისთვის როგორ ვემზადე...’’
,,...მიიღე ჩემგან მცირედი ძღვენი...”
                                                  ,,...შენ ხომ იცი, მე უფროსი ვარ...’’
,,...და მაპატიე, თუ ეს ბატკანი...”
                                                    ,,...მე ყველაფერი მეტი მეკუთვნის...’’
,,...შემინდე ცოდვილს ყოველ ცისმარე...’’
                                                    ,,...მამისაგანაც მეტი პატივი...’’
,,...რომ ვერას ვარგებ ჩემს უფროს ძმას...’’
                                                    ,,...რითი მჯობს, ნეტავ, ტაკიმასხრობით?!...’’
,,...და ნუ მოგვაკლებ ცოდვილ შვილებს შენს მოწყალებას...’’
                                                    ,,...მომმადლე ძალა, დავამარცხო ყოველი მტერი!...’’

                                                                                                                2005წ. 16 იანვარი.


                                    ორმაგი მკვლელობა

                                                              ,,...თუ სიკეთის მქმნელი არა ხარ,
                                                                ცოდვა ჩასაფრებულია კართან, შენსკენ
                                                                            აქვს ლტოლვა, შენ კი იბატონე მასზე.’’
                                                                                                                          დაბ. 4.7.

,,...ნუთუ ამ ჩემ ტაკიმასხარა ძმას ვეღარ ვჯობნი?!’’
                                                  ,,...ღმერთო, მიიღე ჩემი ძმის მსხვერპლი ...’’
,,...მაშ, რად მიიღო უფალმა ისევ იმისი ძღვენი?!...’’
                                                  ,,...რომ მოემართოს საქმეში ხელი...’’
,,...მაინც როდის უნდა მეღირსოს?!...’’
                                                ,,...რომ იგრძნოს გულით თანადგომა და სითბო ჩვენი...’’
,,...მქონდეს პატივი, როგორც უფროსს, აბელზე მეტი...’’

                                                ***
,,...კაენ, შეჩერდი!...
                        ...კაენ, დაფიქრდი!...
                                                  ...რა დაგიშავე?!...
                                                                    ...მე ხომ  მიყ...ვარ.........!
მთვარემ ძრწოლით აიფარა შავი პირბადე...
                                                                    ...დაყრუვდა არე...
მიწამ მდუმარედ მიიღო სისხლი და წილი თვისი...
                                                                    ...დააწვა ტვირთი...
კაცის მცდელობით, კაცთან ერთად,
                                                        კაცში პირველად მოკვდა რაინდი.

                                                                                                    2005წ. 17 იანვარი.

                                      (გაგრძელება იქნება)


კომენტარები ილუსტრაციები რეცენზიები