ნაწარმოებები



ავტორი: მათე
ჟანრი: პროზა
19 მარტი, 2009


რაინდის რომანი (კარი მეორე-5 თავი)

                              სასჯელი

                                                ,,...სად არის შენი ძმა, აბელი?...’’
                                                                                      დაბ. 4.9.

,,კაენ, სად არის აბელი, ძმა შენი?’’
                                                      ,,სად არის?... სად არის?...
                                                        ჰო, მართლა,
                                                        სად არის ძვირფასი ძმა ჩემი?...
                                                        სად უნდა ვეძებო?...
                                                        მე რად მეკითხები?...
                                                        განა მე მისი მცველი ვიყავი?...’’
,,იყავი?...
                ახლა, რა?...
                                აღარ ხარ?...’’
                                                        ,,ვარ!...  ...?!  ...?!  ...?!...’’
,,კაენ, სად არის აბელი, ძმა შენი?...”
                                                        ,,სად არის?... სად არის?...
                                                        სად უნდა იყოს?...”
,,ნახე, დაიხედე... შენი ხელები...”
                                                        ,,რა?...
                                                        როგორია ჩემი ხელები?!...”
,,აბელის სისხლით გაქვს შეღებილი...”
                                                        ,,სისიხლით?!...
                                                          რა სისხლით?!...
                                                          ეს ხომ მიწაა...
                                                          მიწა ჩანს წითლად...’’
,,ფეხებს რა გიწვავს?...”..................
                                                          ,,რა მიწვავს?!...
                                                          ...მიწვავს?!...
                                                          ...საიდან იცი?!...’’
,,თვალნი წითლად რაღად გიელავს?...’’
                                                          ,,შემთხვევით რაღაც ჩამივარდა და...’’
,,ცაც თავზე ალბათ, იმიტომ გეწვის?!..’’
                                                          ,,ცა?!...
                                                            ...... კი არ მეწვის...
                                                            მზე რომ ჩავიდა...”
,,კაენ, სად არის აბელი, ძმა შენი?”
                                                          ,,ჩემი ძმა...
                                                            ძმა ჩემი...
                                                            შემეშვით...
                                                            რას მერჩით?!...
                                                            მე აღარა ვარ დღეს მისი მცველი!...”
,,აღარ ხარ?...
                  რატომ?...
                              სადმე წავიდა, თუ...’’
                                                          ,,აღარ არის!
                                                            დიახ! წავიდა!
                                                            და აღარც ველი...''
                                      ***
,,შენი ძმის სისხლმა ცოდვით ზეცაც კი გააწითლა!...
                    ფეხქვეშ გეწვება თვით ამ სისხლის მიმღები მიწაც!...
მზე... სიმშვიდის მზეს შენ ვეღარასდროს ვეღარ იხილავ!...
                    აღარ მიგიღებს არც ცა, არც მიწა... არ ჩაგთვლის ღირსად!...’’

,,...როგორ დაბნელდა...
                                ასე რად მცივა...
                                                      რად მაცახცახებს?!...
მზე... სად წავიდა?!...
                                ჩამოღამდა?!...
                                                    თუ... უფალმა მართლა ბნელში დამტოვა?!...
ვიცი, დღეს უნდა დავიკარგო,
                                                გავქრე აქედან...
წავიდე?...
                გავქრე?...
                            მაგრამ სად?...
                                                სად ვნახო ის მიწა,
                                                                    ფეხს რომ არ დამიწვავს?!...
ანდა სად ვეძებო,
                          ის მზე, სად ამოვა,...
                                                      ცივი ბნელეთიდან მე რომ ამომიყვანს?!...
სად არის ჩემი ძმა?...
                            ჩემი ხსნა სად არის?...
                                                            არ არის ჩემი ძმა!...
                                                                                      ჩემი ხსნაც არ არის!...’’
   
                                                                                                            2005წ. 19 იანვარი -- 17 დეკემბერი.

                                    (გაგრძელება იქნება)

კომენტარები ილუსტრაციები რეცენზიები