ნაწარმოებები



ავტორი: მათე
ჟანრი: პროზა
23 მარტი, 2009


რაინდის რომანი (კარი მესამე-1 თავი)

                        კარი მესამე

                            ნოე

                                                  ,,მხოლოდ ნოეს ეპოვა მადლი
                                                                      უფლის თვალში.’’
                                                                                  დაბ. 6.8.

                      მოლოდინი

                                        ,,ინანა უფალმა, რომ შექმნა ადამიანი
                                                              ამქვეყნად და შეწუხდა.’’
                                                                                    დაბ. 6.6.

ურდულს არ ხსნიდა უფალი
ზეცის...
არ ხსნიდა, რადგან არ სურდა,
თუ?!...
ღირსი არ იყო სულნავაჭრ კაცთა ნაწირი
მიწის...
რომ ეხილა სასუფეველი...
ურდულს არ ხსნიდა,
არ უღირდა,
არავინ ჰყავდა მისაღები,
მოსაკითხავი...
მას არვინ ჰგავდა,
            და არც ბაძავდა!...
                                არავინ იყო...?!...
არ შობილიყო სარაინდო კაცი,
                              ზეცით შეურისხავი...
არ შობილიყო?!...
                            [...ის უკვე იყო!...?!.....]
თუ თვით მამამაც ჯერ  არ იცოდა,
        ვინ იქნებოდა?!...
და ამიტომ უკვე ნანობდა
                  ადამის ძეთა მამობას...
                          და კაცთა ცოდვით შეწუხებულს,
თავის შექმნილთა მიწის პირიდან წარხოცა სურდა...
                          და ამასთან თავის თავსაც არ უტყდებოდა,
                                                        რომ ბოლომდე ვერ იმეტებდა,
თითქოს ჯერ სცდიდა...
                                თუ გაუძლებდა?!...
თან საცდელიც
                      კარგად უწყოდა,
                                            ვინ იქნებოდა...
მაგრამ ჯერ მაინც
                          მიწიერი,
                                        ზეცადურდულგადაკეტილი,
                                                                              მიწად რჩებოდა...
და... ბოლო ჟამის მოლოდინი
                                            ერთ გრძელ, მოწყენილ დღედ წაწვებოდა.

                                                                                                      2005წ. 12 აგვისტო. ჩიხა.


                                    (გაგრძელება იქნება)


კომენტარები ილუსტრაციები რეცენზიები