შიში
                                            (ახალი)


ჩვენ გვეშინია, ჩვენ გვეშინია
არ ვიცით ვისი.
ჩვენ გვეშინია, მნიშვნელობა
      არა აქვს რისი.
დილა თენდება, გვეშინია
დღეს რა იქნება?
შეშინებულა ჩვენი შიში
და მხრებს იჩეჩავს.
თვალდაჭყეტილი ჩვენი შიში
კვლავ რომ თან გვახლავს,
სულ მისხალ-მისხალ შეაგროვა
ჩემმა თაობამ.
მაგრამ ერთხელაც აღარაფრის
რომ შეგვეშინდეს?
შეშინებულ შიშს რაღა ვუყოთ?
ხომ არ გავუშვებთ.
ვინ შეიკედლებს, ვინ შეხვდება,
არ შეეშინდეს.
შიშის გარეშე აღარ გვინდა,
კვლავაც გვაშინეთ.

ჰა, შეგვაშინეთ.