/ კედელს  შეყრილი  ცერცვივით.../


ერთ  განსაცდელსაც  უნდა  გაუძლო  -
მრავალნაბრძოლო  და  დამაშვრალო!..
ჟინსაც  ბრძოლისას  ვერცვინ  დაუცხრობს
გულს  -  ფრთები  დროშებრ  რომ  სურს  გაშალოს!..

კვლავ  გეცილება  მამულს  ცხრაუცხო  -
ხეპრე  ხიზანი  ახვარ-აშარობს!..
ვინც  მარგალიტნი  ღორებს  დაუწყო,
ყველას  გაუხდა  საქმე  საშაროდ!..

ვირ-მუტრუკს  ხურმის  სუფრაც  გაუწყო -
შე  მასპინძლობით  ქვევრებდამშრალო!..-
გინაც  თავთუხის  პურიც  დაუცხო,
ზედვე  ხოხბებიც  გაუშანშალო!..

წყურვილს  ბადაგიც  ვეღარ  დაუცხრობს
პირუტყვს  -  უკურტნოს  და  უავშაროს!..

                                  9  აგვისტო,  2008  წ.

**************************************************************************************