ნაწარმოებები


გამოიწვიე პოზიტივისათვის     * * *     შეიხედეთ ლიტ-მოვლენაში     * * *     ურაკპარაკის მობილური ვერსია!!!     * * *     შეიხედეთ თემაში: ურაკპარაკის ფორუმი >> ლიტერატურული საიტის შესახებ >> ურაკპარაკის მობილური ვერსია - http://urakparaki.com/?m=13&Forum=1&Theme=1509

ავტორი: გიო ზედვაკელი
ჟანრი: პოეზია
14 ივნისი, 2009


ინანა,მე სუსტი გლეხი ვარ

მზისფერი მაისიც მივლიე,
ვაშლებიც დამწიფდა შაქარა.
მე ახლა დავეხსენ იანვარს,
ღრუბლებს ვდევ მინდია-შაქანი.
  მე მთვარის ყურება მომბეზრდა,
  შენ მინდა გიყურო, ინანა.
  ლანდი ვარ ხიმიან ღობესთან,
  და ყოველ დათრობას ვინანებ.
შეხედე,მზე მოდის -უთუა,
რაღაცა წამები დილამდე...
მე დამღლის სინათლე უთუოდ,
ვეკვრები სიბნელის ბინადრებს.
  ინანა,მე სუსტი გლეხი ვარ
  ისე,რომ მეფეებს აქადელთ
  ვუფრთხი და ვემალვი მეხივით
  ჩვენს ერამდე და აქამდეც.
ინანა,მე მხოლოდ ის მინდა:
(ოცნება ცხენივით უბელო)
ღრუბელზე ვისხდეთ და მისმენდე,
ორივეს გვიძლებდეს ღრუბელი.





კომენტარები ილუსტრაციები რეცენზიები