ნაწარმოებები



ავტორი: რობერტ მესხი
ჟანრი: პოეზია
6 ნოემბერი, 2009


უძილაური



რას ფიქრობ, უძილაურო?
შენ რომ შენიშნე კოშკები,
მათ უკან თერგი ხმაურობს,
ზამთარში გაითოშება
შემცივნებული ქალივით,
განა სისწრაფეს მოუკლებს,
შენ ვიდრე იმ მთას აივლი
და ვიდრე დროში მოუგებ,
წავა და დაიკარგება
უცხო მხარეში მავალი,
ცას დააჩნდება კადრებად
წამოფრენილი ალალი
კოშკის ყელიდან, მერე კი,
როცა ჭიუხებს მიჰყვები,
გაგთანგავს ქარი - მარეკი,
გიმეგზურებენ ჯიხვები.
რას დარდობ, უძილაურო?!.
ლურჯი ცა გივსებს ფიალებს,
შენს ფერხთით თერგი ხმაურობს,
”თერგი რბის, თერგი ღრიალებს!..”

კომენტარები ილუსტრაციები რეცენზიები

საიტის წევრებს ნიკით:  ოთარ რურუა, იოჰან ხევსური ვულოცავთ დაბადების დღეს