ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: იმედი ჯახუა
ჟანრი: პოეზია
17 თებერვალი, 2010


დარწყულებული მოლოდინისა

წვიმს,  სანატრელო,  წვიმს!..
-  ეშველათ  მწყურვალ  ველებს...
მოხვალ,  სველსა  და  ცივს,
მხრებზე  დამაწყობ  ხელებს...

ძლივს...  როგორც  იქნა...  ძლივს...
-  წლების,  წვალების  მერე...

თვალებს  ნუ  დახრი  ძირს  -
ნუ  დამიმალავ  ცრემლებს...
-  ცრემლზე  ვინ  ეტყვის  ძვირს
თვალებს,  ვერმონაფერებს?..

როგორღა  ვწამებ  ცილს
გულს  -  ბარტყივით  რომ  თრთის...
ყელს  -  მარგალიტთა  ღირსს...
თმებს  -  მზეგარეულ  ღელეს?!.

-  ვის  შევლეოდი,  ვის?..
-  შენ,  სანატრელო?..  მერე?!.

წვიმს...  როგორც  იქნა,  წვიმს...
და  დარწყულებულს  (ძლივს!..)
ველებს  -  ფერთაგან  მწირს,
რომ  დაუბრუნებს  ფერებს,
-  მოხვალ,  სველსა  და  ცივს,
მხრებზე  დამაწყობ  ხელებს...

1976  წ.

კომენტარები ილუსტრაციები რეცენზიები