ნაწარმოებები


გამოიწვიე პოზიტივისათვის     * * *     შეიხედეთ ლიტ-მოვლენაში     * * *     ურაკპარაკის მობილური ვერსია!!!     * * *     შეიხედეთ თემაში: ურაკპარაკის ფორუმი >> ლიტერატურული საიტის შესახებ >> ურაკპარაკის მობილური ვერსია - http://urakparaki.com/?m=13&Forum=1&Theme=1509

ავტორი: გიო ზედვაკელი
ჟანრი: პოეზია
25 მარტი, 2010


გამახსენდება მე თქვენი სუფრა

                                                          მეგობარ პოეტებს

გამახსენდება მე თქვენი სუფრა.
დაგტოვეთ,
ღამე დამიხვდა გარეთ.
მოწყენილი და შემთვრალი უფრო
მეჩვენა შეჩერებული ქარი.
თქვენ, ალბათ, კიდევ დალიეთ მერე,
ალბათ, დილამდე ეომეთ ბახუსს,
მე კი ქუჩაში ვაყუჩე ნერვი.
( კარუსელივით ბრუნავდა სახლი)
მერე დავწექი.დილამდე ასე:
წამომახურა რაღაცამ.
მეთქი-
თერმომეტრს სიცხე ექნება 100.
ვაითუ სიკვდილს წინ დავუდექი.
თუ მოვკვდი... თუ და... თუ სული აღარ
შემრჩა და ცაზე ავიღე გეში,
არ მიატოვოთ ის მყუდრო ბაღი,
არც ზედვაკელის სნეულ მთვარეში
შენიშნოთ სარკე.
მიაჭერს ფეხებს
მუცელზე ღრუბელს წვიმა და წვეთი
დაიბადება...
მე-სიტყვის მეხრე
მანამდე,ვიდრე ამ ლექსს დავწერდი,
ვიყავი თქვენთან,
მიგონებთ ახლა.
გამომყვა ჩუმი ლექსების ექო.
ცოტაც ვერ გვიგებს( ბევრია ხალხი)
პოეტებს,
ესეც გითხარი, ღმერთო...

კომენტარები ილუსტრაციები რეცენზიები