ნაწარმოებები



ავტორი: ლიკა_ოხანაშვილი
ჟანრი: პოეზია
18 მაისი, 2010


ხევსურეთია ჩემი ოცნება

აქედან მთები შორია, თუმცა,
ყველაფერს ჩემთვის ფერი აქვს მთების,
ნანატრ ადგილებს თითქმის ყოველდღე,
ოცნებებსა და სიზმრებში ვხვდები...

მე ხევსურეთზე ვწერდი ლექსებსაც,
ალბათ მომხიბლა მასზე მითებმა,
მთის სიცივისაც ვიცი მიზეზი,
სწორედ ამიტომ მიყვარს, იქნება...

ის დამრჩენია, ახლა მე მხოლოდ,
რომ მთაში ყოფნას ლექსით ვეცადო,
ვინც არ განიცდის მთისგან სიშორეს, 
ის ვერ გამიგებს, ვიცი, ვერასდროს...

ამდენი წელი გავიდა თუმცა,
მთა ოცნებაა ჯერ მხოლოდ ჩემი, 
ვიცი, აქედან  შორია, მაგრამ -
ყველაფერს ჩემთვის ფერი აქვს მთების...

ლიკა ოხანაშვილი
16.05.2010

კომენტარები ილუსტრაციები რეცენზიები