ფიქრების ხალიჩას გაგიფენ,
თმებს ქარის თითებით გაგიშლი,
თეთრ ღრუბლებს ბალიშად დაგიფენ,
ოღონდაც კოცნას ნუ დამიშლი.
დღეს შენთვის აინთო ცისკარი
და სიო შენს თმებზე თარეშობს
და ზეცის გაიხსნა ჭიშკარი,
წაგიყვან საოცარ მხარეში...
იქ სადაც ღმერთები მიდიან,
იქ,სადაც ყვავიან ტიტები,
სამყარო უსაზღვროდ დიდია
და ჩვენ კი არც ისე დიდები.
წაგიყვან საოცარ მხარეში,
რითმები მშვილდიდან მისვრია,
იქ ყველგან მუზები თარეშობს
და ვარდებს ზეციდან ისვრიან,
იქ ყველგან მუზები ყვავიან,
იქ ყველგან ყვავიან ტიტები,
იქ მთვარე ოცნების ნავია,
ღრუბლები_ტალღები დიდები.
წაგიყვან საოცარ მხარეში
სადაც,რომ ფერადი მთებია,
სადაც რომ ქარები თარეშობს,
ხევები ნისლებით თვრებიან.
წაგიყვან საოცარ მხარეში,
განახებ კლდეებს და ხეობებს,
სადაც რომ მუზები თარეშობს,
ღმერთები ღრუბლებში ღრეობენ.
ღმერთები წვიმებით თვრებიან,
იქ ყველგან ყვავიან ტიტები,
სამყარო უსაზღვროდ დიდია
და ჩვენ კი არც ისე დიდები.
წაგიყვან საოცარ მხარეში...
                        დმ.