ნაწარმოებები



ავტორი: ანანე კიკნაძე
ჟანრი: პოეზია
19 ივნისი, 2010


  ჩამოტვირთვა

გაქცევა მინდა

ცის ახლოს წამოდი, ზემოდან ვუყუროთ სულელურ ქალაქებს,
მტვერში, რომ იხრჩობენ თავებს და არ არის საშველი;
იგრძნობა, ბოლო ხანს, ქარებმა ჰაერი დალაქეს,
ვუყუროთ ქაოსებს, ქუჩების შუაში გაჩხერილს.

ვმთავრდები დღესვე და დასასრულს წერტილი მიკლია,
მიწიდან ზეცამდე არც ისე დიდია მანძილი,
არ ვიცი, არც ვფიქრობ, ჩემზე რა ჯანდაბას იტყვიან,
გზადაგზა, დღითიდღე, ისედაც საკმაოდ დავმძიმდი.

დავივლი ქაოსებს, სულელურ, მტვერიან ქალაქში,
მონურ მორჩილებას დასცინის დროება და სივრცე;
მიწიდან ზეცამდე ჩემს ყველა სატკივარს გადავშლი
გზადაგზა, დღითიდღე, რომ მემატება და ვითმენ.

წამოდი, იქ, სადაც ელვები კაწრავენ ჰორიზონტს,
იქ, სადაც სუნთქვები ხშირდება და არის წყვეტილი,
დასასრულს კი არა, მე ჩემს გაგრძელებას მოვითხოვ,
მოვითხოვ! დამისვა ახლავე სამიოდ წერტილი.

კომენტარები ილუსტრაციები რეცენზიები