გაზაფხულია... ღამეა სიცივეაშლილი... მცივა... ჩემი ოთახიდან ზეცამდე მილიარდი კილომეტრია. და ვინ იცის, იქნებ უფრო მეტიც... ვწევარ ჩემს საწოლში გრძნობააშლილი. ბალიშს ეპნევა მოურჩენელი მელანქოლია. მხოლოდ ის უძლებს მშფოთვარე სულის მძიმე-მძიმე გადაბრუნებას. უძლებს, თვალს ადევნებს, მის თავს კალთაში იდებს და ეალერსება... საშრობი ქაღალდივით შეისრუტავს, სულის ქარიშხლებს ღვარცოფივით მოყოლილ, ცრემლებს. პირადი დღიურივით ინიშნავს, ცრემლებს გამოდარებასავით მოყოლილ, ფრაზებს, რითმებს, ლექსებადქმნილ აღსარებებს... მხოლოდ ის არის უღალატო მესაიდუმლე. ამიტომ ვესწრაფვი ასე ძლიერ ღამის ცხოვრებას. ვიცი, დავრჩებით მარტოდმარტო, ერთმანეთის პირისპირ, მე და ბალიში, და აღარ მომიწევს ჩემი სათქმელის აწონ-დაწონვა. ჩემი სული გაშიშვლდება, სულს მოითქვამს, გათავისუფლდება თავისი მძიმე სამოსელის - სხეულისაგან, და დილამდე სკამზე გადაკიდებს. შიშველი ემოციით გაატარებს ღამეს განთიადამდე...
შუაღამემ გადაკვეთა ჩემი ოთახი, დიდი ხანია, და გაუჩინარდა... ახლა აღარც ვიცი, რა დროა. ვიცი მხოლოდ ის, რომ სიცივეაშლილი გაზაფხულია. ჰოდა, სანამ გათენებულა, ვდგები საწოლიდან, ვშორდები ბალიშს და მე და სიცივე ხელჩაკიდული მივდივართ ფანჯარასთან. ჩემი ოთახის ფანჯრიდანაც ზეცამდე მილიარდი კილომეტრია, იქნებ უფრო მეტიც... სიცივე ხელს არ მიშვებს. უფრო მეტიც, ახლა უკვე მეხუტება. ბოლოს კი ჩემი სიშიშვლით სარგებლობს და სულის ნაპრალებში იდებს ბინას. აწი, რომც ჩავიცვა ჩემი სხეული, აღარ მიშველის, ვეღარ გამათბობს, მომაკვდავივით გავცივდი... ჰოდა, ვდგავართ ახლა მე და ჩემი სიცივე ფანჯარასთან, და ვცდილობთ თვალებით დავიპყროთ მილიარდი კილომეტრი ზეცამდე. თვალებით ვისრუტავ ამ სივრცეს და ვცდილობ, აღმოვაჩინო იდუმალი გზა. გზა, რომელიც არსებობს, და რომელიც, მჯერა, ამ მილიარდ კილომეტრს ერთ ნაბიჯში გადამალახინებს. თუმც მეშინია, ჩემი ცხოვრება, სიკვდილის შედეგ, "ამაო ძიებების ცხოვრების" სახელით დასათაურებული არ შეინახონ სამყაროს არქივში. განთიადი მოახლოვდა... დროა ჩავიცვა ჩემი სხეული, მაგრამ, ვაი, რომ ყოველ დღე, უფრო და უფრო რთულდება ჩაცმის პროცესი, ყოველ დღე უფრო და უფრო მძიმდება ჩემი სხეული, და მეშინია, ერთ დილასაც ასე შიშველი არ დავრჩე. მაშინ კი, ჩემი სხეული ზედმეტ ბარგად იქცევა ჩემი ოთახისთვისაც და იმ წუთიდან სამუდამოდ დაგვაშორებენ, მე - შიშველ სულს და ჩემს ღვთისგან ბოძებულ სამოსელს. მე კი იმ დრომდე ის იდუმალი გზა თუ ვერ ვიპოვე, შემოჩენილი სიცივე დამიმარტოხელებს ასე გზააბნეულს და უმოწყალოდ გამანადგურებს...
კომენტარები |
ილუსტრაციები |
რეცენზიები |
|
16. :) ქაშიკას კომენტარებს უკვე მივეჩვიე. მაინც გმადლობ... :) ქაშიკას კომენტარებს უკვე მივეჩვიე. მაინც გმადლობ...
15. ბოლომდე ვერ ნათქვამ ამბავს გავს, მიუხედავად იმისა, რომ უამრავი შეურაცხადი ფრაზა აქვს ავტორს მოშველიებული, მაინც უბრალოა და ცოტა სასაცილოც.... შიშველი ტანი და მილიარდობით კილომეტრი რაფიდან შენამდე, ცამდე.... ბოლომდე ვერ ნათქვამ ამბავს გავს, მიუხედავად იმისა, რომ უამრავი შეურაცხადი ფრაზა აქვს ავტორს მოშველიებული, მაინც უბრალოა და ცოტა სასაცილოც.... შიშველი ტანი და მილიარდობით კილომეტრი რაფიდან შენამდე, ცამდე....
14. ყოველ დღე უფრო და უფრო მძიმდება ჩემი სხეული, და მეშინია, ერთ დილასაც ასე შიშველი არ დავრჩე. მაშინ კი, ჩემი სხეული ზედმეტ ბარგად იქცევა ჩემი ოთახისთვისაც და იმ წუთიდან სამუდამოდ დაგვაშორებენ, მე - შიშველ სულს და ჩემს ღვთისგან ბოძებულ სამოსელს.
მომეწონა, ციცანა! და ნეკერას ვეთანხმები, - თეთრი ლექსი, რაც უფრო მოკლედ არის დაწერილი, მით უფრო საინტერესოა მისი წაკითხვა! დიდი მოცულობის თეთრი ლექსი კი - პროზას ემსგავსება! 4 ყოველ დღე უფრო და უფრო მძიმდება ჩემი სხეული, და მეშინია, ერთ დილასაც ასე შიშველი არ დავრჩე. მაშინ კი, ჩემი სხეული ზედმეტ ბარგად იქცევა ჩემი ოთახისთვისაც და იმ წუთიდან სამუდამოდ დაგვაშორებენ, მე - შიშველ სულს და ჩემს ღვთისგან ბოძებულ სამოსელს.
მომეწონა, ციცანა! და ნეკერას ვეთანხმები, - თეთრი ლექსი, რაც უფრო მოკლედ არის დაწერილი, მით უფრო საინტერესოა მისი წაკითხვა! დიდი მოცულობის თეთრი ლექსი კი - პროზას ემსგავსება! 4
12. ნინი, გმადლობ. გიო, ფორუმის პმ-ში მომწერე ნინი, გმადლობ. გიო, ფორუმის პმ-ში მომწერე
11. ციცან... რა საყვარელი ხარ :) 5 ციცან... რა საყვარელი ხარ :) 5
10. ისე ცუდად, როგორც ცხოვრებაში არ ვყოფილვარ...:( ისე ცუდად, როგორც ცხოვრებაში არ ვყოფილვარ...:(
9. როი, დიდი მადლობა. გიო, მერე რა გითხრა, კარგადააო? :( როი, დიდი მადლობა. გიო, მერე რა გითხრა, კარგადააო? :(
8. ფრიადი, კარგად იკითხება, ისე დიდია ცოტათი! ფრიადი, კარგად იკითხება, ისე დიდია ცოტათი!
7. მეც, ნინ.. გიო, რომ ვერ გავიგე, რა მითხარი?სად მიკითხე? მეც, ნინ.. გიო, რომ ვერ გავიგე, რა მითხარი?სად მიკითხე?
6. პუს..მიყვარხარ :) პუს..მიყვარხარ :)
5. ყველას დიდი მადლობა. ნინ, ვიცი, რომ მძიმეა, მაგრამ ჩემსავით...მართალია ადრეა დაწერილი, მაგრამ ახლა მეპატიება... ყველას დიდი მადლობა. ნინ, ვიცი, რომ მძიმეა, მაგრამ ჩემსავით...მართალია ადრეა დაწერილი, მაგრამ ახლა მეპატიება...
4. გვანც... არ გეწყინოს და ძალიან დიდია. თან ურითმო ლექსი ყოველთვის მძიმეა რითმიანთან შედარებით, ამიტომ იღონე რამე :) გვანც... არ გეწყინოს და ძალიან დიდია. თან ურითმო ლექსი ყოველთვის მძიმეა რითმიანთან შედარებით, ამიტომ იღონე რამე :)
3. ასე ვართ... ყოველ დღე, ახალი სახით გვიწევს განთიადთან შეხვედრა.
სხეული უნდა ატარო, შეიძლება სახე ჩაიცვა... ასე ვართ... ყოველ დღე, ახალი სახით გვიწევს განთიადთან შეხვედრა.
სხეული უნდა ატარო, შეიძლება სახე ჩაიცვა...
1. ''მაგრამ, ვაი, რომ ყოველ დღე, უფრო და უფრო რთულდება ჩაცმის პროცესი''...
ვიცოდი ეს... მომენატრე გვანც, წუხელ ვფიქრობდი ნეტავ სად დაიმალა-მეთქი... :)
``მაგრამ, ვაი, რომ ყოველ დღე, უფრო და უფრო რთულდება ჩაცმის პროცესი``...
ვიცოდი ეს... მომენატრე გვანც, წუხელ ვფიქრობდი ნეტავ სად დაიმალა-მეთქი... :)
|
|
მონაცემები არ არის |
|
|