გავიდა 1 კვირა. თითქოს მიდამო გამოყრუვდა უგვრიტებოდ. ჩხაკუნა დეიდა ცრემლიანი თვალებით დაჰყურებდა-ხოლმე ბრჭყვიალა აპარატში თავის გვრიტუკებს და ისე ეფერებოდა.
და აი, ერთ მშვენიერ დილას ფანჯრის მინაზე ჯერ ინტენსიური კაკუნი გაისმა და შემდეგ ძალიან ხმამაღალი “უუუუ-უუ-უუუუუუ... უუუუ-უუ-უუუუუუ... ”
ფეხზე წამოხტა, ფანჯარას გახედა და... თვალებს არ დაუჯერა, - გვრიტუნა და გვრიტიკო ისხდნენ ფანჯრის რაფაზე და თითქოს ნებართვას ითხოვდნენ ბუდეში დასაბრუნებლად.
- დაბრუნდით... რა თქმა უნდა, დაბრუნდით!... – იყვირა გახარებულმა ჩხაკუნა დეიდამ და მაშინვე ბრჭყვიალა აპარატი მოარბენინა (სურ. 22, 23).
გვრიტუნამ მალევე დადო კვერცხი (სურ. 24), შემდეგ – მეორეც... და ისევ ორ კვერცხზე დაჯდა.
- გოგო, თავი მაინც არ გეცოდება? ვიდრე მაგ ლამაზ ნისკარტს არ აგახევენ ეს ხუნდები, მანამდე არ გაჩერდები? ხომ დამპირდი, მხოლოდ ერთს გავაჩენო? – ალალად ნერვიულობდა გვრიტიკო და რითიც შეეძლო, პატრონობდა და ანებივრებდა გვრიტუნას. - ნუ ნერვიულობ, გვრიტიკო... ასეთია გვრიტის ბედი... აბა, ზოგიერთი ჯიშის ჩიტივით, უმ ჭია-ღუას რომ ვაჭმევდეთ ხუნდებს, მაშინ რა პრობლემაა? 5-საც გავაჩენდი ერთდროულად.... - რას ამბობ, რაას? ხუთმა ხუნდმა ხომ მოგაჭამა კიდეც თავი? – აღშფოთდა გვრიტიკო.
გვრიტუნა მხოლოდ ხმამაღლა იცინოდა ამაზე და თავისი განუმეორებელი ხმის ტემბრით ესიყვარულებოდა გვრიტიკოსაც და ჯერ გამოუჩეკელ ხუნდებსაც.
რამდენჯერმე გვრიტიკოც კი დაჯდა კვერცხებზე, რომ გვრიტუნასთვის ფრთის გაშლის საშუალება მიეცა. მაგრამ, გაფრინდებოდა თუ არა გვრიტუნა, მხოლოდ იმაზე იწყებდა ფიქრს, რომ საგვრიტეთიდან ვინმეს არ დაენახა კვერცხებზე გადამჯდარი გვრიტიკო. ამიტომ ცოტას წაიხემსებდა და მაშინვე ფართხა-ფურთხით ბრუნდებოდა უკან.
დღეები დღეებს მისდევდა და აი, ერთ მშვენიერ დღეს კვერცხიდან ხუნდმა გამოტეხა! - ბიჭია, ბიჭიიიიი! – გარეუბანს ახარა გვრიტიკომ. - მეორეს როდის ელოდებით, გვრიტუნა? – ჩამოსძახეს სხვა გვრიტებმა. - დღის ბოლოს, ან ყველაზე გვიან – ხვალ დილას! - ღმერთმა გაგიზარდოს!... - გმადლობთ, მეზობლებო, გმადლოოოობთ, უუ-უუუუ-უუ-უუუუუუ...
ის დღეც დაღამდა... მეორე დილაც გათენდა... ისიც დაღამდა.... მეორე კვერცხიდან ჩამიჩუმი არ ისმოდა.
დაღონდა გვრიტუნა. ხის ტევრს გასძახა, სადაც გვრიტიკო სახლობდა-ხოლმე ხუნდების გამოჩეკვამდე. - გვრიტიკოოო, დავიღუპე მგონია, არ იჩეკება მეორე ხუნდი!... - ვაიმე, რატო, ნეტა? - სულ შენი ენის ბრალია!... “არ გვინდა ორი, არ გვინდა ორი ხუნდიო”, - რომ დამძახოდი სულ.... აჰა, აგისრულდა ოცნება... ერთის იმედად დავრჩით! - კარგი, რა, გვრიტუნა?! ეს რა შუაშია ახლა?! - ეეეჰ, შენ არ იცი, რამხელა ძალა აქვს სიტყვას! – ცრემლები გადმოსცვივდა გვრიტუნას და შესაბრალისი სახით მიაჩერდა გამოუჩეკავი კვერცხის გვერდით თავწამოყოფილ ხუნდს (სურ. 25). - სახელს რას არქმევ ამ ხუნდს, გვრიტუნა? - გვრიტისიმედი უნდა დავარქვა... გვრიტიმს დავუძახებ... - ნება შენია, შენ ხარ დედა! გვრიტიმი... არაა ცუდი სახელი.
ამასობაში სექტემბერიც მიილია... უჩვეული ყინვები დაიჭირა სექტემბრის ბოლოს... თბილი ხავერდოვანი შემოდგომის ნაცვლად - მსუსხავი ყინვები? თერმომეტრის სინდიყის სვეტი ღამის საათებში -3 გრადუსამდე ეშვებოდა.
გვრიტუნა გვრიტიმს გადაეფოფრა, ცდილობდა, საკუთარი სხეულით გაეთბო უმწეო ხუნდი... ორი ღამე გაუძლო ხუნდმა ყინვებს, დედის სხეულს ამოფარებულმა.... და აი, მესამე დილა გათენდა... - ბრრრრრ, რა სიცივეა... გვრიტიმ, დედიკო, ხომ კარგად ხარ?
ბუდიდან სიჩუმემ უპასუხა მხოლოდ. - გვრიტიმ, რა დაგემართა? ხმა გამეცი, შვილო.... – და უცებ მთელი ხით იკივლა გვრიტუნამ, - ბუდეში მკვდარი გვრიტიმი იწვა.
მის ყვირილზე ხის ტევრიდან გვრიტიკო მოფრინდა, საწოლიდან კი ჩხაკუნა დეიდა წამოხტა... - რა მოხდა, რა? – ორივე ერთსა და იმავეს კითხულობდა, მხოლოდ სხვადასხვა ენაზე... - არ დამენახო, გვრიტიკო! შენ დამითარსე ხუნდები გაჩენამდეც კი! არ გინდოდა მეტი შვილი, ხომ? აჰა, დამშვიდდი, დაწყნარდი... აღარავინ ამახევს ნისკარტს!... – მთელი ხმით მოსთქვამდა გვრიტუნა. - კაი, ახლა, რა სისულელეს მაბრალებ, გვრიტუნა?! მე მინდოდა ჩვენი შვილის სიკვდილი? კიდევ გვეყოლება, ნუ გეშინია... - მომწყდი აქედან! თვალით აღარ დამენახო! მორჩა, მე აღარ მყავს ბუდეში მეწყვილე... ვისთანაც გინდა და სადაც გინდა იმასთან და იქ აიშენე ბუდე! მე კი... ჩემი სახელის ხსენებაც აღარ გაბედო, გვრიტიკო! - გონს მოდი, გვრიტუნა... დაფიქრდი... - სწორედაც რომ დავფიქრდი... ეს შენ ისვრი დაუფიქრებლად სიტყვებს! მომშორდი-მეთქი... - კარგი, გვრიტუნა... შენი ნებაა... მაგრამ ინანებ ამ სიტყვებს, იცოდე... მომავალ ხუნდობამდე მე არავის შევთავაზებ ბუდის აშენებას და... თუ გული მოგიბრუნდა, იცოდე, რომ მე ძველებურად მიყვარხარ!...
ეს თქვა გვრიტიკომ, ფრთა ფრთას შემოჰკრა და გაფრინდა. გვრიტუნა კი დიდიხან იჯდა თავის ბუდესთან, ცრემლჩამდგარი თვალებით შეჰყურებდა ხან თავის მკვდარ ხუნდს და ხან სამი დღით ღრუბლებში მიმალულ ამომავალ მზეს, რომელიც სითბოს უბერუნებდა გულგაყინულ დედამიწას...
* * * იმ დღის შემდეგ გვრიტიკო აღარავის უნახავს უბანში... შეიძლება ვინმემ შურდულით ესროლა ქვა და მოკლა? იქნებ ვინმემ ტყვიაც კი არ დაინანა მისთვის?
ეეეჰ, რამდენი ადამიანია ახლაც, რომლებიც სიამოვნებით მიირთმევენ გვრიტის უნაზეს ხორცს და სიამოვნებისგან ტუჩებსა და ენასაც გააწკლაპუნებენ? არა და, ფიქრობს კი ის ვიღაც, რომ ამით ვიღაცის დედას ან მამას, ან სულაც ახალდაფრთიანებულ ხუნდს მიირთმევს? მათ ხომ ასე უყვართ სიცოცხლე?!
ამ გაზაფხულზე ბუდეში გვრიტხუ და მისი ნორჩი მეწყვიელე დაბრუნდა... ულამაზესები იყვნენ... (სურ. 26) შემეძლო, მათი ისტორიაც მომეყოლა, მაგრამ... არა!
გაგრძელება აღარ იქნება!
P.$. მცირე გაგრძელება N 15 კომენტარშია... ვისაც დაგაინტერესებთ, რა თქმა უნდა!
კომენტარები |
ილუსტრაციები |
რეცენზიები |
|
32. ეს თქვა გვრიტიკომ, ფრთა ფრთას შემოჰკრა და გაფრინდა. გვრიტუნა კი დიდიხან იჯდა თავის ბუდესთან, ცრემლჩამდგარი თვალებით შეჰყურებდა ხან თავის მკვდარ ხუნდს და ხან სამი დღით ღრუბლებში მიმალულ ამომავალ მზეს, რომელიც სითბოს უბერუნებდა გულგაყინულ დედამიწას...
კინაღამ ცრემლები გადმომცვივდა... რას გვერჩი? 5 ეს თქვა გვრიტიკომ, ფრთა ფრთას შემოჰკრა და გაფრინდა. გვრიტუნა კი დიდიხან იჯდა თავის ბუდესთან, ცრემლჩამდგარი თვალებით შეჰყურებდა ხან თავის მკვდარ ხუნდს და ხან სამი დღით ღრუბლებში მიმალულ ამომავალ მზეს, რომელიც სითბოს უბერუნებდა გულგაყინულ დედამიწას...
კინაღამ ცრემლები გადმომცვივდა... რას გვერჩი? 5
31. 5... მაგრამ "5" კი არა, მინუს 25 უნდა დამეწერა! რაა ეს, აა? მართალი გითხრეს, - ჰიჩკოკისეული ფინალი აქვს! უუუფ.... 5... მაგრამ "5" კი არა, მინუს 25 უნდა დამეწერა! რაა ეს, აა? მართალი გითხრეს, - ჰიჩკოკისეული ფინალი აქვს! უუუფ....
30. აუუუ რააააა :(( რა წესია ეს... ცხოვრებაში ჩიტი არ მომიკლავს მაგრამ აწი ქათამსაც აღარ დავკლავ... ეეეჰ :( არადა როგორ შემიყვარდნენ... ბოლოს კი :((
აუუუ რააააა :(( რა წესია ეს... ცხოვრებაში ჩიტი არ მომიკლავს მაგრამ აწი ქათამსაც აღარ დავკლავ... ეეეჰ :( არადა როგორ შემიყვარდნენ... ბოლოს კი :((
29. აქ კიდევ ერთხელ განვმეორდები, რომ ეს უსაფუძვლო ბრალდება მომეხსნას:
1. არანაირი პრეტენზია არ მაქვს და არც მქონია ადმინისტრაციის მიერ შერჩეული ნაწარმოებების მიმართ! - არაჩვეულებრივადაა შერჩეული! 2. არანაირი პრეტენზია არ მაქვს და არც მქონია ადმინისტრაციის მიერ შერჩეული ავტორების მიმართ! - ყველა იმსახურებს მინიჭებულ სტატუსს!... 3. და არანაირი პრეტენზია არ მაქვს და არც მქონია ადმინისტრაციის მიმართ, რატომ არ მოვხვდი მე, თამარ ბუკია ამ სიაში! ნამდვილად არაფერს ნიშნავს ჩემთვის ეს რჩეულავტორობა! დამიჯერეთ, ნამდვილად ასეა!
4. გავაპროტესტე მხოლოდ ის სათაური, რომელიც დადო ადმინისტრაციამ თავფურცელზე, - "რეკომენდებული ავტორები", სადაც სიაც კი არ არის შევსებული ბოლომდე... როგორ, ნუთუ ამ თვეში ამ 4 პროზაიკოსის მეტი ვერ დაინახეს კარგი ავტორი? ნუთუ არავინ წერს ჩვენთან საბავშვოებს? ნუთუ არავინ წერს იუმორისტულებს? ნუთუ ასე კატასტროფულად ცოტაა კარგი ავტორი? აი, ეს იყო ჩემი პროტესტის მიზეზი... თუ გამიგებთ, ხო კარგი და თუ არა და... თქვენი საქმის თქვენ იცით! მე არავის ვებუტები და არავის ვებრძვი! ყველა ისევე მიყვარხართ და პატივს გცემთ, როგორც აქამდე! :)))))))) აქ კიდევ ერთხელ განვმეორდები, რომ ეს უსაფუძვლო ბრალდება მომეხსნას:
1. არანაირი პრეტენზია არ მაქვს და არც მქონია ადმინისტრაციის მიერ შერჩეული ნაწარმოებების მიმართ! - არაჩვეულებრივადაა შერჩეული! 2. არანაირი პრეტენზია არ მაქვს და არც მქონია ადმინისტრაციის მიერ შერჩეული ავტორების მიმართ! - ყველა იმსახურებს მინიჭებულ სტატუსს!... 3. და არანაირი პრეტენზია არ მაქვს და არც მქონია ადმინისტრაციის მიმართ, რატომ არ მოვხვდი მე, თამარ ბუკია ამ სიაში! ნამდვილად არაფერს ნიშნავს ჩემთვის ეს რჩეულავტორობა! დამიჯერეთ, ნამდვილად ასეა!
4. გავაპროტესტე მხოლოდ ის სათაური, რომელიც დადო ადმინისტრაციამ თავფურცელზე, - "რეკომენდებული ავტორები", სადაც სიაც კი არ არის შევსებული ბოლომდე... როგორ, ნუთუ ამ თვეში ამ 4 პროზაიკოსის მეტი ვერ დაინახეს კარგი ავტორი? ნუთუ არავინ წერს ჩვენთან საბავშვოებს? ნუთუ არავინ წერს იუმორისტულებს? ნუთუ ასე კატასტროფულად ცოტაა კარგი ავტორი? აი, ეს იყო ჩემი პროტესტის მიზეზი... თუ გამიგებთ, ხო კარგი და თუ არა და... თქვენი საქმის თქვენ იცით! მე არავის ვებუტები და არავის ვებრძვი! ყველა ისევე მიყვარხართ და პატივს გცემთ, როგორც აქამდე! :))))))))
28. მოკლედ რაღა შენი "გვრიტები" და რაღა "შვლის ნუკრის ნაამბობი." :) ჰარირამამ დაიფიცა, აწი "მისდღემჩი" აღარ ვესვრი გვრიტებს 'რაგატკას"-ო. :) მოკლედ რაღა შენი "გვრიტები" და რაღა "შვლის ნუკრის ნაამბობი." :) ჰარირამამ დაიფიცა, აწი "მისდღემჩი" აღარ ვესვრი გვრიტებს `რაგატკას"-ო. :)
27. მაგარი ხარ თამარ, ცუდად დამთავრდა ყველაფერი მაგრამ ჰეფი–ენდით ხომ მხოლოდ ზღაპრებში მთავრდება? ეს კი ცხოვრებაა და რეალობა,რომელიც მწარეცაა და უფრო მეტად მიმზიდველი და საინტერესო... +777 მაგარი ხარ თამარ, ცუდად დამთავრდა ყველაფერი მაგრამ ჰეფი–ენდით ხომ მხოლოდ ზღაპრებში მთავრდება? ეს კი ცხოვრებაა და რეალობა,რომელიც მწარეცაა და უფრო მეტად მიმზიდველი და საინტერესო... +777
26. ყველა ამას როგორ ეკითხება ჭკუას?...გვრიტებიც კი...:) ეჭვიც არ მეპარება რომ ეს ყველაფერი სიმართლეა...:-* ყველა ამას როგორ ეკითხება ჭკუას?...გვრიტებიც კი...:) ეჭვიც არ მეპარება რომ ეს ყველაფერი სიმართლეა...:-*
25. გული მეტკინა :( გული მეტკინა :(
24. ხიჩკოკისეული ფინალია, რააა! :( 5 ხიჩკოკისეული ფინალია, რააა! :( 5
23. თამრი გამაგიჟეებ!!! :-O არაა გამორიცხული ცოტა ხანში ჩიტების ენაც ისწავლო... თამრი გამაგიჟეებ!!! :-O არაა გამორიცხული ცოტა ხანში ჩიტების ენაც ისწავლო...
22. გაიხარეთ, ხალხო! ძალიან თბილები ხართ ყველანი! გაიხარეთ, ხალხო! ძალიან თბილები ხართ ყველანი!
21. თამარ, მე ვიცი რაც გითხრა:"საოცრება ადამიანი ხარო!" ამას გეტყოდა, მერე მადლობასაც დააყოლებდა და დაფრინდებოდა, აბა რას იზამდა... თამარ, მე ვიცი რაც გითხრა:"საოცრება ადამიანი ხარო!" ამას გეტყოდა, მერე მადლობასაც დააყოლებდა და დაფრინდებოდა, აბა რას იზამდა...
20. გაგრძელება აღარ იქნება!
P.$. მცირე გაგრძელება N 15 კომენტარშია... ვისაც დაგაინტერესებთ, რა თქმა უნდა
თაი,მაგიჟებ! გაგრძელება აღარ იქნება!
P.$. მცირე გაგრძელება N 15 კომენტარშია... ვისაც დაგაინტერესებთ, რა თქმა უნდა
თაი,მაგიჟებ!
19. დღეს, 4 ივლისს... გვრეტა მოფრინდა, მერაბ... და მართლაც მეორე ფანჯარას მოადგა. დილას მისმა კაკუნმა და ყურისწამღებმა ყვირილმა გამაღვიძა...
ხალხო, დაიჯერებთ, რომ გვრიტები ფანჯარაზე მიკაკუნებენ, "გამოიხედეო"? ფარდის მიღმა ვხედავდი და მაინტერესებდა, სადამდე გაგრძელდებოდა ეს კაკუნი... რომ მივხვდი, რომ ერთი-ორი ასეთი დარტყმა და ფანჯარას ჩამოიღებს-მეთქი, - გავხედე... კაკუნი შეწყვიტა, კიდევ მეჟღურტულა კარგა ხანს და... გაფრინდა... ნეტა რა მითხრა? :)))
დღეს, 4 ივლისს... გვრეტა მოფრინდა, მერაბ... და მართლაც მეორე ფანჯარას მოადგა. დილას მისმა კაკუნმა და ყურისწამღებმა ყვირილმა გამაღვიძა...
ხალხო, დაიჯერებთ, რომ გვრიტები ფანჯარაზე მიკაკუნებენ, "გამოიხედეო"? ფარდის მიღმა ვხედავდი და მაინტერესებდა, სადამდე გაგრძელდებოდა ეს კაკუნი... რომ მივხვდი, რომ ერთი-ორი ასეთი დარტყმა და ფანჯარას ჩამოიღებს-მეთქი, - გავხედე... კაკუნი შეწყვიტა, კიდევ მეჟღურტულა კარგა ხანს და... გაფრინდა... ნეტა რა მითხრა? :)))
18. გული დამწყდა,გაგრძელება,რომ აღარ იქნება :( გრეტა არ გამოჩენილა ქალბატონო თამარ ? იქნებ ისიც დაბრუნდეს და ძმასთან ერთად,მეზობელ ფანჯარაზე, დასახლდეს :) გული დამწყდა,გაგრძელება,რომ აღარ იქნება :( გრეტა არ გამოჩენილა ქალბატონო თამარ ? იქნებ ისიც დაბრუნდეს და ძმასთან ერთად,მეზობელ ფანჯარაზე, დასახლდეს :)
17. მე-12 კომენტარს ვეთანხმები თამარ!!! ძალიან კარგი იყო!!! გაიხარე შენა!!! მე-12 კომენტარს ვეთანხმები თამარ!!! ძალიან კარგი იყო!!! გაიხარე შენა!!!
16. ძალიან საინტერესო ისტორიაა..... მომეწონა..... :) ძალიან საინტერესო ისტორიაა..... მომეწონა..... :)
15. რას იზამთ, ჩემო კარგებო... რეალობა ესაა და... მე ხომ ნამდვილი ამბავი მოგიყევით?
ფინალი? ფინალი კიდევ უფრო საშინელია ალბათ:
გვრიტიკო - სულ აღარ გამოჩენილა, ხომ გითხარით კიდეც უკვე?! გვრიტუნა - ცალფეხმოგლეჯილი დაბრუნდა... ჯერ იყო და ძლივს დაჯდა რაფაზე, - წონასწორობის დაცვა უჭირდა ცალფეხას... ბევრიც იყვირა თავისი ბუდის დანახვაზე. გადაღება მინდოდა და... ისე მწარედ მოსთქვამდა უბედური გვრიტუნა, რომ ცრემლებად დავიღვარე მეც და ვერაფერი გადავიღე. და მერე იცით, რა ქნა გვრიტუნამ? ფრთები დაკეცა, ტანზე მჭიდროდ აიკრა და... მე-6 სართულიდან გადავარდა! არ დამიჯერებთ, მაგრამ... თავი მოიკლა გვრიტუნამ! გიჟივით ჩავირბინე ეზოში, - ბუნკერის წინ მკვდარი გვრიტუნა ეგდო. მეზობელს ვთხოვე და ეზოს კუთხეში დავმარხე... :((
გვრიტხუმ და თავისმა მეწყვილემ ამ გაზაფხულზე კვერცხი დადეს ბუდეში. არ ვიცი, რა შეიძლება მომხდარიყო, მაგრამ... ხუნდის გამოჩეკამდე 3-4 დღით ადრე საშინელი ხმით იყვირა დედალმა გვრიტმა, მიატოვა თავისი გამოუჩეკავი კვერცხი და გაფრინდა... გვრიტხუ კვერცხს დააჯდა და საბრალო ხმით ეძახდა თავის მეწყვილეს... ვერ დააბრუნა. მეორე საღამოს ამანაც მიატოვა ბუდე თავისი კვერცხიანად და... ესეც გაფრინდა. 5-6 დღის შემდეგ დაბრუნდა გვრიტხუ ახალ მეწყვილესთან ერთად. იმ "ქალბატონმა" ისეთი ქოთქოთი ატეხა ბუდეში კვერცხის დანახვაზე, რომ... :) ალბათ იეჭვიანა! გაფრინდნენ ორივენი.
აი, მერე სასაცილო რამ მოხდა. ერთ დილას, ჯერ ისევ ძილში ჩამესმა გვრიტის ყვირილის ხმა. საწოლიდან გავხედე ფანჯარას და თვალებს ძლივს დავუჯერე: გვრიტხუ იჯდა ჩემი ფანჯრის რაფაზე, ფარდიდან თავშემოყოფილი და მეძახდა. ახლოს რომ მივედი, იმ რაფაზე გადაფრინდა, სადაც ბუდე ჰქონდათ და... ხან მიირბენდა ბუდესთან ყვირილით, ხან ისევ ჩემსკენ მორბოდა და თვალებში მიყურებდა. - გვრიტხუ, რომ ვერ მივხვდი, რას ითხოვ ჩემგან? - ჩავილაპარაკე... თითქოს ჩემი კითხვა გაიგოო, ბუდესთან მიირბინა და იმ გაცუდებულ კვერცხს დაუწყო წვალება. - გადავაგდო? ბუდე გაგითავისუფლო? - ვკითხე... - უუუუ-უუუ-უუუუუუ.... - მიპასუხა. - კარგი, ბატონო.... - ჩავილაპარაკე, ფანჯარა გავხსენი და ბუდიდან კვერცხი ამოვიღე. (იმ კვერცხის ილუსტრაცია დავდე კიდეც ერთ-ერთ ნაწილში, სირაქლემას და ქათმის კვერცხების გვერდით.)
ამ ცოტა ხნის წინ ისევ დაბრუნდა გვრიტხუ და თან ულამაზესი მეწყვილე მომიყვანა... ძველი ბუდე არ დაუნგრევიათ, მაგრამ ჭუჭყისა და გაფუჭებული წიწვ-ბალახებისგან გაათავისუფლეს, ახალი წიწვები ჩააწნეს და აგვისტოსთვის გაამზადეს. ყოველ დრე თუ არა, ყოველ მეორე დრეს მოფრინავენ, ბუდეს ამოწმებენ, ახალი წიწვებით ანახლებენ...
ჩემი ფანჯრის რაფა სულმოუთქმელად ელის მათ... იმედია კერას არ გააცივებენ და ბუდეს არ მოშლიან გვრიტები... :))))))))))))))))) რას იზამთ, ჩემო კარგებო... რეალობა ესაა და... მე ხომ ნამდვილი ამბავი მოგიყევით?
ფინალი? ფინალი კიდევ უფრო საშინელია ალბათ:
გვრიტიკო - სულ აღარ გამოჩენილა, ხომ გითხარით კიდეც უკვე?! გვრიტუნა - ცალფეხმოგლეჯილი დაბრუნდა... ჯერ იყო და ძლივს დაჯდა რაფაზე, - წონასწორობის დაცვა უჭირდა ცალფეხას... ბევრიც იყვირა თავისი ბუდის დანახვაზე. გადაღება მინდოდა და... ისე მწარედ მოსთქვამდა უბედური გვრიტუნა, რომ ცრემლებად დავიღვარე მეც და ვერაფერი გადავიღე. და მერე იცით, რა ქნა გვრიტუნამ? ფრთები დაკეცა, ტანზე მჭიდროდ აიკრა და... მე-6 სართულიდან გადავარდა! არ დამიჯერებთ, მაგრამ... თავი მოიკლა გვრიტუნამ! გიჟივით ჩავირბინე ეზოში, - ბუნკერის წინ მკვდარი გვრიტუნა ეგდო. მეზობელს ვთხოვე და ეზოს კუთხეში დავმარხე... :((
გვრიტხუმ და თავისმა მეწყვილემ ამ გაზაფხულზე კვერცხი დადეს ბუდეში. არ ვიცი, რა შეიძლება მომხდარიყო, მაგრამ... ხუნდის გამოჩეკამდე 3-4 დღით ადრე საშინელი ხმით იყვირა დედალმა გვრიტმა, მიატოვა თავისი გამოუჩეკავი კვერცხი და გაფრინდა... გვრიტხუ კვერცხს დააჯდა და საბრალო ხმით ეძახდა თავის მეწყვილეს... ვერ დააბრუნა. მეორე საღამოს ამანაც მიატოვა ბუდე თავისი კვერცხიანად და... ესეც გაფრინდა. 5-6 დღის შემდეგ დაბრუნდა გვრიტხუ ახალ მეწყვილესთან ერთად. იმ "ქალბატონმა" ისეთი ქოთქოთი ატეხა ბუდეში კვერცხის დანახვაზე, რომ... :) ალბათ იეჭვიანა! გაფრინდნენ ორივენი.
აი, მერე სასაცილო რამ მოხდა. ერთ დილას, ჯერ ისევ ძილში ჩამესმა გვრიტის ყვირილის ხმა. საწოლიდან გავხედე ფანჯარას და თვალებს ძლივს დავუჯერე: გვრიტხუ იჯდა ჩემი ფანჯრის რაფაზე, ფარდიდან თავშემოყოფილი და მეძახდა. ახლოს რომ მივედი, იმ რაფაზე გადაფრინდა, სადაც ბუდე ჰქონდათ და... ხან მიირბენდა ბუდესთან ყვირილით, ხან ისევ ჩემსკენ მორბოდა და თვალებში მიყურებდა. - გვრიტხუ, რომ ვერ მივხვდი, რას ითხოვ ჩემგან? - ჩავილაპარაკე... თითქოს ჩემი კითხვა გაიგოო, ბუდესთან მიირბინა და იმ გაცუდებულ კვერცხს დაუწყო წვალება. - გადავაგდო? ბუდე გაგითავისუფლო? - ვკითხე... - უუუუ-უუუ-უუუუუუ.... - მიპასუხა. - კარგი, ბატონო.... - ჩავილაპარაკე, ფანჯარა გავხსენი და ბუდიდან კვერცხი ამოვიღე. (იმ კვერცხის ილუსტრაცია დავდე კიდეც ერთ-ერთ ნაწილში, სირაქლემას და ქათმის კვერცხების გვერდით.)
ამ ცოტა ხნის წინ ისევ დაბრუნდა გვრიტხუ და თან ულამაზესი მეწყვილე მომიყვანა... ძველი ბუდე არ დაუნგრევიათ, მაგრამ ჭუჭყისა და გაფუჭებული წიწვ-ბალახებისგან გაათავისუფლეს, ახალი წიწვები ჩააწნეს და აგვისტოსთვის გაამზადეს. ყოველ დრე თუ არა, ყოველ მეორე დრეს მოფრინავენ, ბუდეს ამოწმებენ, ახალი წიწვებით ანახლებენ...
ჩემი ფანჯრის რაფა სულმოუთქმელად ელის მათ... იმედია კერას არ გააცივებენ და ბუდეს არ მოშლიან გვრიტები... :)))))))))))))))))
14. ალბათ სხვა დასასრული ნაწარმოებას ეშხს დაუკარგავდა. გაიწელებოდა(თუმცა, სასიამოვნო საკითხავად)ახლა კი მჯერა,ვინც წაიკითხა,გვრიტის დანახვაზე მუდამ გაახსენდება გვრიტუნა.
ეეეჰ, შენ არ იცი, რამხელა ძალა აქვს სიტყვას! – ცრემლები გადმოსცვივდა გვრიტუნას და შესაბრალისი სახით მიაჩერდა გამოუჩეკავი კვერცხის გვერდით თავწამოყოფილ ხუნდს .
ვზივარ და ვფიქრობ... კარგი ხარ თამარ! არაფრისმთქმელი 5 დავტოვე აქ!:) ალბათ სხვა დასასრული ნაწარმოებას ეშხს დაუკარგავდა. გაიწელებოდა(თუმცა, სასიამოვნო საკითხავად)ახლა კი მჯერა,ვინც წაიკითხა,გვრიტის დანახვაზე მუდამ გაახსენდება გვრიტუნა.
ეეეჰ, შენ არ იცი, რამხელა ძალა აქვს სიტყვას! – ცრემლები გადმოსცვივდა გვრიტუნას და შესაბრალისი სახით მიაჩერდა გამოუჩეკავი კვერცხის გვერდით თავწამოყოფილ ხუნდს .
ვზივარ და ვფიქრობ... კარგი ხარ თამარ! არაფრისმთქმელი 5 დავტოვე აქ!:)
13. ისე შეგიძლიათ ეს 5-ივე ნაწილი გააერთიანოთ ერთ პატარა ილუსტრირებულ წიგნში და გამოსცეთ.
ყველა თაობის საკითხავია ეს...
ისე შეგიძლიათ ეს 5-ივე ნაწილი გააერთიანოთ ერთ პატარა ილუსტრირებულ წიგნში და გამოსცეთ.
ყველა თაობის საკითხავია ეს...
12. აუ :( მათ ხომ ასე უყვართ სიცოცხლე?!
სევდიანი ფინალი...
თამარს სტაბილურად 5 და შექება!
აუ :( მათ ხომ ასე უყვართ სიცოცხლე?!
სევდიანი ფინალი...
თამარს სტაბილურად 5 და შექება!
11. ეს რა სევდიანი დასასრული იყო! რაღაცნაირად გული მეტკინა, თუმცა ფინალი მართლაც იმედიანი იყო!!! გაიხარეთ ქალბატონო თამარ გვრიტუნიების ცხოვრების ასე ლამაზად გადმოცემისთვის! საოცარი იყო! ეს რა სევდიანი დასასრული იყო! რაღაცნაირად გული მეტკინა, თუმცა ფინალი მართლაც იმედიანი იყო!!! გაიხარეთ ქალბატონო თამარ გვრიტუნიების ცხოვრების ასე ლამაზად გადმოცემისთვის! საოცარი იყო!
10. სულ არ ველოდი ასეთ დასასრულს... რომ შევხედე მე-5 ნაწილს, სიამოვნებისგან ხელები მოვიფშვნიტე, ყავა გვერდით მოვიდგი და კითხვა დავიწყე... თამარ, ყავა გამიცივდა... ვეღარ დავლიე... გვრიტხუს დაბრუნების შემდეგ ერთბაშად გადავკარი... სულ არ ველოდი ასეთ დასასრულს... რომ შევხედე მე-5 ნაწილს, სიამოვნებისგან ხელები მოვიფშვნიტე, ყავა გვერდით მოვიდგი და კითხვა დავიწყე... თამარ, ყავა გამიცივდა... ვეღარ დავლიე... გვრიტხუს დაბრუნების შემდეგ ერთბაშად გადავკარი...
9. მაინც იმედიანი ფინალი იყო... არადა ეგეთ ოჯახურ ტრაგედიას ნაღდად არ ველოდი მად რაფაზე... :( მაინც იმედიანი ფინალი იყო... არადა ეგეთ ოჯახურ ტრაგედიას ნაღდად არ ველოდი მად რაფაზე... :(
8. :( რა იყო ეს თამარ? რატომ ასე სევდიანი ფინალი? მე ვიფიქრე იმ ზამთარსაც გადაურჩებოდნენ და კვლავ და კვლავ აახმაურებდნენ ბუდეს!..
ეეეჰ, რამდენი ადამიანია ახლაც, რომლებიც სიამოვნებით მიირთმევენ გვრიტის უნაზეს ხორცს და სიამოვნებისგან ტუჩებსა და ენასაც გააწკლაპუნებენ? ამან ხომ მთლად გადმრია......
და ბოლოს ამოვისუნთქე ცოტათი, გვრიტხუს დაბრუნებამ ამომასუნთქა..... :( რა იყო ეს თამარ? რატომ ასე სევდიანი ფინალი? მე ვიფიქრე იმ ზამთარსაც გადაურჩებოდნენ და კვლავ და კვლავ აახმაურებდნენ ბუდეს!..
ეეეჰ, რამდენი ადამიანია ახლაც, რომლებიც სიამოვნებით მიირთმევენ გვრიტის უნაზეს ხორცს და სიამოვნებისგან ტუჩებსა და ენასაც გააწკლაპუნებენ? ამან ხომ მთლად გადმრია......
და ბოლოს ამოვისუნთქე ცოტათი, გვრიტხუს დაბრუნებამ ამომასუნთქა.....
7. :))))))) ალივაკელო, წესით ნაწარმოების კითხვას თავიდან უნდა იწყებდე... შეფასებას კი არ გთხოვ? შინაარსი ხომ უნდა გაიგო-მეთქი? :))) გაიხარე... :))))) :))))))) ალივაკელო, წესით ნაწარმოების კითხვას თავიდან უნდა იწყებდე... შეფასებას კი არ გთხოვ? შინაარსი ხომ უნდა გაიგო-მეთქი? :))) გაიხარე... :)))))
6. წინა ოთხი სამწუხაროდ არ მაქვს წაკითხული. აქ კი + წინა ოთხი სამწუხაროდ არ მაქვს წაკითხული. აქ კი +
5. ჰოჰ თამარიკო:) მოგიკითხე ჰოჰ თამარიკო:) მოგიკითხე
4. სასწაულად ჩამწყდა გული, რა იყო გაგეგრძელებინა რააა, შენით. მართლაც ულამაზესები არიან. სასწაულად ჩამწყდა გული, რა იყო გაგეგრძელებინა რააა, შენით. მართლაც ულამაზესები არიან.
3. ეჰ, ვინ დაგაცადა ბოლოლდე გაღიმება...
მე იცინის ვინც ბოლოს იცინის მინდოა და აკ კიდეეეე..
იცინის ის ვინც ბოლოს ტირიისსსსსსსს........ : ( : ( :(
2 ეჰ, ვინ დაგაცადა ბოლოლდე გაღიმება...
მე იცინის ვინც ბოლოს იცინის მინდოა და აკ კიდეეეე..
იცინის ის ვინც ბოლოს ტირიისსსსსსსს........ : ( : ( :(
2
2. ეს რა ქენი ჩხაკუნა დეიდა?...რა სევდიანად დაამთავრე გვრიტების მოღვაწეობა შენი ფანჯრის რაფაზე?... გული დამწყდა...:( აჰა შენ...ჩხაკუნში 55555-ები... :-* ეს რა ქენი ჩხაკუნა დეიდა?...რა სევდიანად დაამთავრე გვრიტების მოღვაწეობა შენი ფანჯრის რაფაზე?... გული დამწყდა...:( აჰა შენ...ჩხაკუნში 55555-ები... :-*
1. რა იყო თამარ ეს? ჯარისკაცის მამაზე რომ ვტიროდი ბავშვობაში ისე მატირე ცხარე ცრემლებით:) რა იყო თამარ ეს? ჯარისკაცის მამაზე რომ ვტიროდი ბავშვობაში ისე მატირე ცხარე ცრემლებით:)
|
|
მონაცემები არ არის |
|
|