ნაწარმოებები



ავტორი: თამარ ბუკია
ჟანრი: პოეზია
14 ივლისი, 2008


ერთად

გულები გადაჯაჭვული,
გადახლართული სულები...
ხან – ლიტ.კაფეში ჩამსხდარნი,
ხან – მარტყოფს ამოსულები...

ხან – ნარიყალას სტუმრობენ,
ხან - მიჰყვებიან ქვაფენილს...
საკუთარ ლექსებს ტოვებენ
სარეცხის თოკზე გაფენილს...

ხან თმას და სახეს ირთავენ
შადრევნის მარგალიტებით...
***
სითბოს მჩუქნიან უსაზღვროს
ჩემი ღაბუა ჩიტები...

კომენტარები ილუსტრაციები რეცენზიები