ნაწარმოებები


ურაკპარაკის მობილური ვერსია!!!     * * *     შეიხედეთ თემაში: ურაკპარაკის ფორუმი >> ლიტერატურული საიტის შესახებ >> ურაკპარაკის მობილური ვერსია - http://urakparaki.com/?m=13&Forum=1&Theme=1509

ავტორი: რობერტ მესხი
ჟანრი: პოეზია
31 ივლისი, 2010


არქეოპტერიქსი

არ დაიჯერო,
რომ ქვაზე მჯდარს გამისკდა გული.
მე მაშინაც შენზე ვფიქრობდი,
როცა უეცრად შევრჩი მთვარეს
გაშლილი ფრთებით...

ახლა იკვლევენ,
ხვლიკი ვარ თუ უცხო ფრთოსანი, 
ცარცზე ვარ თუ მთვარის ნატეხზე...

უაზრობაა! -
ტყუილუბრალოდ აფუჭებენ ძვირფას თაბახებს,..

მე პოეტი ვარ,
დღენაკლული,
თანაც ნამარხი...

კომენტარები ილუსტრაციები რეცენზიები