ნაწარმოებები


გამოიწვიე პოზიტივისათვის     * * *     შეიხედეთ ლიტ-მოვლენაში     * * *     ურაკპარაკის მობილური ვერსია!!!     * * *     შეიხედეთ თემაში: ურაკპარაკის ფორუმი >> ლიტერატურული საიტის შესახებ >> ურაკპარაკის მობილური ვერსია - http://urakparaki.com/?m=13&Forum=1&Theme=1509

ავტორი: გიო ზედვაკელი
ჟანრი: პოეზია
3 აგვისტო, 2010


მშრალი ხიდი

სადმე მერცხლის ბუდესავით
კუთხე მინდა თბილისში-
კედლებგამოულესავი...
რო წავიდე, ვინ მიშლის
ზედვაკეში (ბჟოლებშუა)
სახლში შუშაბანდიან.
კაცი რომ არ მოგეშვება-
ჭური მაქო თავღია.
დალევ,მჭადზე გადაიტან
ღამეს თავგზაარეულ
მეზობელთან და ჰაიდა...
დედისერთა მთვარეა...
ჩაუჯდები,ჭრიჭინები
გატკიებენ საფეთქელს.
წევხარ,წუხხარ,იჭიმები,
ნეტა მალე გათენდეს.
კაი კია შემოდგომა,
ხმება ნედლი თუთუნი.
მაინც თბილისს შემოდგომა
მინდა კვიცის ფრუტუნით.
მიხდენს ყველა ქუჩის თავი,
შუა წელი,
ფინიში...
ჰოდა,მერცხლის ბუდესავით
სახლი მინდა თბილისში.

კომენტარები ილუსტრაციები რეცენზიები