| ავტორი: ჰა-რა-ლე ჟანრი: სხვა ამ ჟანრის ნაწარმოებები არ ფასდება 1 ნოემბერი, 2010 |
ფეხბურთში ძალიან მაგარი იყო გია. ეს კი პატარა საქმე არ იყო, იმ დროს ვერაზე. დიდი ფეხბურთი არ უთამაშია, მაგრამ "მინიში," მოგეცათ ლხენა, ნაღდად ხაზავდა რა! გარიკა, ზაზა, კოტე და ჰა-ჰა, "დავესკა" თუ გაუწევდნენ მეტოქეობას. თუმცა, ისიც უნდა აღვნიშნო რომ, ჩამონათვალის ბოლო სამი წარმომადგენელი, რაღაც პერიოდი, სერიოზულად მისდევდა სპორტის ამ სახეობას. ზაზას, საბჭოთა კავშირის ახალგაზრდულში, კოტეს და "დავესკას" - საქართველოს იუნიორების ნაკრებში ჰქონდათ არაერთი თამაში ჩატარებული. გია კი, თვითნასწავლი იყო და ალბათ, ამიტომაც ჰქონდა განუმეორებელი ხელწერა. საოცარი პეწი, არტისტიზმი ახლდა მის თამაშს და ალალად ითვლებოდა ვერელების გუნდის სიმბოლოდ. - აუჰჰ! დიდი რამე ვერელების გუნდი, არ მყოლოდნენ ისინიც "ინტერი" ან "ლივერპოლიო" - იტყვის ალბათ ზოგი. კი ბატონო! არც "ინტერთან" უთამაშიათ ვერელებს მინიფეხბურთი და არც "ლივერპულთან", მაგრამ მათ დამამარცხებელ " დინამოს" კი მოუგეს, რაც მე მინახავს, ორჯერ, მაგარი "მაზიანი" - კიროვის პარკში. თან რა "დინამოს"?! "ყიფო", მანუჩარი, ვოვა, საშა და "ხიზანა", რომ თამაშობდნენ, იმ დროს.
სხვა არაერთი ნიჭითაც იყო გია გამორჩეული. შესახედაობა - დიდებული, იუმორი - ჩინებული, თეატრის და კინოს მსახიობი და თუ პლიუს "კაი ტიპიც" იყავი, რაღა იყო საჭირო რომ, 70-80-იან წლების თბილისში ერთობ მიღებული და სასურველი პიროვნება ყოფილიყავი? ჰოდა, არც მას აკლდა ეს სიკეთე. აკლდა კი არა, გოგოები ლამის ვენებს იჭრიდნენ, როგორც პირდაპირი, ასევე გადატანითი მნიშვნელობით. მასთან არათუ მეგობრობა, ნაცნობობაც კი საკმაოდ მაღლა სწევდა შენს აქციებს და გიხსნიდა თბილისური "უოლ სტრიტ - ბო მონდის" კარს. ბავშვობიდან ვიცნობდი, უფრო სწორედ ის მიცნობდა ბავშვობიდან. საერთო ეზოს, მოპირდაპირე სახლებში დავიბადეთ და გავიზარდეთ. ჩემზე თითქმის თაობით უფროსი იყო, მაგრამ არც პატარაობისას მიგრძვნია ამის გამო მასთან რაიმე უხერხულობა და შემდგომ ხომ, იშლება და იშლება ასაკობრივი ზღვარი.
ვიქნები ასე, 21-22 წლის ბიჭი, მაგარი "მოთხოვნადი ნაშა" რომ გავიცანი, ერთ-ერთ ოჯახში, სუფრაზე. ჩემთან ერთად 8 კაცმა გაიცნო, 8-ვე ჩემი ძმაკაცია, მაგრამ, ვინ დაგითმობს? მეტი არაა, თქვენი და ჩემი მტერი! "ვკერავთ" იმ გოგოს და თან "ვაშავებთ და ვსპობთ" ერთმანეთს. რას იზამ?! ძმობა-ძმობაა, კონკურენცია - კონკურენცია! არ ვიცი, ჩემმა გეოგრაფიულმა მდებარეობამ იქონია გადამწყვეტი მნიშვნელობა ( მე ვიჯექი გოგონას გვერდით ), თუ რამ, მაგრამ მიკრო დუელში მე დავრჩი გამარჯვებული, პაემანიც დავუნიშნე და რაც მთავარია, თანხმობაც მივიღე. იმ 8 კაცშივე ავაგროვე, მეორე დღეს "სვიდანიაზე" დასახარჯი ფული. ხუთ თუმანს აარტყა "ობშიაკმა". ტაქსის, რესტორანში მარწყვს, ნაყინს, შამპანურს და კინოს ბილეთებსაც ეყოფოდა და რა მინდოდა მეტი?
ბევრი რაღა გავაგრძელო და მეორე დღეს ვარ გამოჭიმული, რესტორან თბილისში ( ქორთიარდ მერიოტი რომ ჰქვია, ახლა ) "ნაშათ-ნაშასთან" ერთად და ჩემი მგონია დედამიწა. მაგრამ ეს გოგო, გუშინ რომ კისკისებდა ჩვენ ხუმრობებზე, აჟუჟუნებდა თვალებს და ბედნიერი მომავლის იმედს გვისახავდა თითოეულ ჩვენგანს, ნირშეცვლილი მეჩვენა დღეს. ხაზგასმული ზომიერება, სიცივე და საკუთარი თავის ფასის, ზედმიწევნით ცოდნა იგრძნობოდა, მასში. ნამეტანი გაამაყებული ბრძანდებოდა ქალბატონი. თითქოს მადლობას ითხოვდა, ჩემთან ერთად რომ ინება, რესტორანში წამობრძანება. რა ვიცი, შეიძლება ვცდები, მაგრამ მე ასეთი შთაბეჭდილება დამრჩა იმ დროს და... - ვაიმე! ნახე ვინ შემოვიდა? ვგიჟდები ამ კაცზე! - ლამის შეჰკივლა ჩემმა "passion"-მა და თვალნათლივ იწყო დნობა ყინულმა. მოვტრიალდი და გია არ არის? ეტყობა გადაღებები ჰქონდა და გრიმით, პირდაპირ გადასაღები მოედნიდან იყო მოსული. დარბაზის ბოლოს, ხალხმრავალი მაგიდისკენ გაემართა. მისული არ იყო, რომ უკვე ხორხოცი ატყდა იმ სუფრაზე. - იცნობ? - მეკითხება, ლღვობაშეპარული ყინულის დედოფალი. - კი. - რა სისულელეს გეკითხები. გიას ვინ არ იცნობს? ერთი პირობა გავიფიქრე, "მარკის ასაწევად" ხომ არ ავდგე, მივიდე გიასთან და მივესალმო-მეთქი, მაგრამ უხერხული იყო, ქალს, მარტო ხომ არ დავტოვებდი მაგიდასთან? 15-20 წუთში, შამპანურებით და ხილის ასორტით ხელდამშვენებული ოფიციანტი გვეახლა და - იმ სუფრიდან გამოგიგზავნეს - გვამცნო და დარბაზის ბოლოსკენ გაიშვირა ხელი. სამ ბოთლ შამპანურს რომ მოგართმევდნენ, ხუთით მაინც ხომ უნდა გადაგეხადა სამაგიერო? ამ გაუთვალისწინებელ ხარჯს რომ ავეცილებინე ( ან სად მქონდა ), იმიტომაც მოჰყვა გია უკან, მოსაკითხს და ჩვენ სუფრას მოუჯდა. შეავსო ჭიქები, ქალს - სილამაზე შეუქო და - "განსაკუთრებით თქვენმა ალღომ და გონიერებამ მომხიბლა, რადგან ამისთანა ბიჭს, სანთლით რომ ეძებოთ, ვერსად იპოვნითო - დააყოლა. მაქო, მადიდა, ბოდიში მოგვიხადა - სუფრაზე მელოდებიანო და დაგვტოვა. რა "სანთლით საძებნელი და საქებ-სადიდებელი" ვიყავი მეც ვიცოდი და გიამაც, მაგრამ, ალალად კი დააჯერა ის გოგო.
წელიც არ იქნებოდა ამ ამბიდან გასული, უბედურება რომ მოხდა... 1985 წლის, 19 მარტი იყო ის წყეული დღე, საყვარელი ადამიანის მკვლელად რომ იქცა გია... 1985 წლის, 19 მარტს დასრულდა იმ გია ფერაძის ცხოვრება, ყველას რომ უყვარდა... შემდეგ ციხე, ხანმოკლე, აწეწილი თავისუფლება და გარდაცვალება - 47 წლის ასაკში... ალვისაგან გათალეთ ჩემი კუბოს ფიცარი, ალვა ამკობს ჩემს კავშირს ფერადოვან წარსულთან. ცხოვრება კი შევიცან რაც არის და ვინც არის, მაგრამ რაღა დროსია... კომედია დასრულდა!
რეჟისორი თვით ვიყავ, ასე მსურდა ფინალი, მსგავსად ჰეროსტრატესი, მეც ხომ დავწვი ტაძარი... ხომ გახსოვართ ქეიფში, ფეხბურთში მორკინალი? ხოდა, ფაფუ, გათავდა! ფერფლი ვარ და ნაცარი!
ორი დღეც და შემამკობს, ალბათ შავი არშია, შავით შეიმოსება ჩემი მწირი სახლობა. თქვენი გია ფერაძე, თქვენთან ბარი-ბარშია. ეს სიკვდილი მან თვითონ ძალით მოიახლოვა.
ბევრთან შევცდი... სხვა "ბევრი" ჩემთან არის "ჩაჭრილი" ღმერთმა ყველას შეუნდოს, მეც შემინდეთ ცოდვები. თქვენთვის დამილოცია, ეს მარტიც და აპრილიც, კიდევ ორი-სამი დღეც და უთუოდ მოვკვდები.
სულ სიცოცხლე მინდოდა, სიცილი და ხუმრობა, ბედნიერი ვიყავი მუდამ თქვენთან მყოფელი. ასე მწარედ დასრულდა ჩემი თქვენთან სტუმრობა ასე ცრემლით აივსო ჩემი წუთისოფელი.
რა კარგი ხარ თბილისო, მენანები ძალიან... ციხეში გნატრულობდი და ამ ნატვრით ვთბებოდი. მაგრამ ჩემთვის თბილისო, ვიცი აღარ გცალია... ერთ დროს როგორ გკოცნიდი, როგორ გეხუტებოდი.
მორჩა ლექსი, თვითონაც სანთელივით მივქრები... სული თითქოს დაჭრილი, მოფარფატე გედია... ისევ შენკენ მიხმობენ ეს სნეული ფიქრები, კომედია დასრულდა?.. დასრულდა ტრაგედია!
თუ არ ვცდები, ეს გიას უკანასკნელი ლექსია.
" არასერიოზული კაცი" გადიოდა ტელევიზორში. ფილმმა დამაწერინა ეს გახსენება.
კომენტარები |
ილუსტრაციები |
რეცენზიები |
|
30. პატივცემულო მუხა! აქამდე არ მქონდა თქვენი კომენტარი წაკითხული. მგონი ვხვდები რომელიც ბრძანდებით და ამიტომ მივცემ თავს უფლებას შენობით მოგმართო. ჩემო მუხა! იცი, არ მესწავლება მე შენგან, ვინ იყო გია ფერაძე და არც ის, თუ როგორ მოხდა ის სამწუხარო ამბავი. ისე უნდოდა გიას მკვლელობა, როგორც მე - მუხობა ( ოღონდ ნამდვილი და არა ფსევდონიმი). შემთხვევითობის ბრალი იყო ეს ყველაფერი. ფატალური შემთხვევის, გნებავს - "შეცდომა", დაარქვი.
მოგიკითხე და გაგახაროს ღმერთმა! პატივცემულო მუხა! აქამდე არ მქონდა თქვენი კომენტარი წაკითხული. მგონი ვხვდები რომელიც ბრძანდებით და ამიტომ მივცემ თავს უფლებას შენობით მოგმართო. ჩემო მუხა! იცი, არ მესწავლება მე შენგან, ვინ იყო გია ფერაძე და არც ის, თუ როგორ მოხდა ის სამწუხარო ამბავი. ისე უნდოდა გიას მკვლელობა, როგორც მე - მუხობა ( ოღონდ ნამდვილი და არა ფსევდონიმი). შემთხვევითობის ბრალი იყო ეს ყველაფერი. ფატალური შემთხვევის, გნებავს - "შეცდომა", დაარქვი.
მოგიკითხე და გაგახაროს ღმერთმა!
29. სევდასაც და ტკივილსაც როგორ თბილად გადმოსცემთ. - საოცარია!!! სევდასაც და ტკივილსაც როგორ თბილად გადმოსცემთ. - საოცარია!!!
28. რა კარგია! სიყვარულით აღსავსე. 2 რა კარგია! სიყვარულით აღსავსე. 2
27. ...საინტერესოაა ...საინტერესოაა
26. კარგი ადამიანები ხართ თქვენ,თითზე ჩამოსათვლელები,სანთლით საძებრები... პატივს გცემთ თქვენ და თქვენს სამეგობროს! კარგი ადამიანები ხართ თქვენ,თითზე ჩამოსათვლელები,სანთლით საძებრები... პატივს გცემთ თქვენ და თქვენს სამეგობროს!
25. კარგია კახაბერ. კარგად ყვები, თბილად. გაგიმარჯოს! კარგია კახაბერ. კარგად ყვები, თბილად. გაგიმარჯოს!
24. მადლობა და გამარჯვება ყველას მადლობა და გამარჯვება ყველას
23. კახაბერ მიგიკითხე და გისალმე მეგობარო!!! აქ კი რა ვთქვა!!! ეეეჰ... გულდასაწყვეტია!!! გაიხარე შენა!!! კახაბერ მიგიკითხე და გისალმე მეგობარო!!! აქ კი რა ვთქვა!!! ეეეჰ... გულდასაწყვეტია!!! გაიხარე შენა!!!
22.
ძალიან ლამაზად და თბილად წარმოდგენილი პორტრეტი.........
სამწუხაროა რომ ასეთი ადამიანი აღარაა ამ ქვეყნად........ და სამწუხარო ისიც რომ ასე უბედურად წარიმართა მისი სიცოცხლის ბოლო წლები.........
პატივისცემით ...........
ძალიან ლამაზად და თბილად წარმოდგენილი პორტრეტი.........
სამწუხაროა რომ ასეთი ადამიანი აღარაა ამ ქვეყნად........ და სამწუხარო ისიც რომ ასე უბედურად წარიმართა მისი სიცოცხლის ბოლო წლები.........
პატივისცემით ...........
21. კაცური, თბილისური მოგონებაა, კახა, ძალიან მიყვარს აქ მოსვლა სითბოს, სიკეთის, ნიჭის გამო. მოგიკითხეთ მე და ნუკრიმ:) კაცური, თბილისური მოგონებაა, კახა, ძალიან მიყვარს აქ მოსვლა სითბოს, სიკეთის, ნიჭის გამო. მოგიკითხეთ მე და ნუკრიმ:)
20. ჰა-რა-ლე დიდი იმედით ველოდი აქ თქვენ ნაწარმოებს, რა დიდებულად წერთ, შესაშური ლიტერატურული ხელწერა გაქვთ,, გარდაცვლილთა გახსენებაც ადამიანურია,ღმერთმა აპატიოს და შეუნდოს დანაშაული,თვითეულ ჩვენთაგანიც ჩავდივართ ცოდვებს და ვცდილობთ მოვინანიოთ, მე ვინ ვარ ვინმე განვიკითხო,თუმცა ვიტყვი,რომ ფერაძის მაგვარი, მსახიობები ,როგორც დიდებული გარეგნობიტ და ნიჭიერობიტ, იმ დროისათვის ბევრი იყო, , ბევრთაგანს არ ეღირსა არც კინოში და არც თეატრში როლი, ფერაძემ კი ახალგაზრდობაშივე მიაღწია ყველაფერს, ყავდა ცოლი, შვილი, კარგი ცხოვრება და იყო ბედნიერი, ხო 70-80 წლებში არ იყო ტელე- შოუები, იმ დროის თინეიჯერები, თავიანთ იდეალს, კერპს კინო- თეატრალურ წარმოდგენებში ეძებდნენ,როგორც ქარტულ სინამდვილეში ხდება,ბუმი, ცვენა იყო მსახიობებზე და ასე მოხდა ფერაძის შემთხვევაში, ჰო, მართალს ბრძანებთ " ვენებს იჭრიდნენ" სულერთი იყო ცოლიანი და უცოლოზე,, თანაც ქართული ფილმებიც ხშირად გადიოდა, ამ პოპულარობამ თავბრუ დაახვია ფერაძეს,რეალურად არ შეაფასა არსებული პირადი ბედნიერება და მან დაწვა ტაძარი, პატარა ბავშვს , საკუთარ შვილს დედა მოუკლა,საკუთარ ცოლს იმ მკერდში ესროლა,რომლითაც მის შვილს აწოვებდა, რისთვის ? მხოლოდ იმისთვის, რომ ცოლს- სიგიჟემდე უყვარდა ქმარი- გია ფერაძე. მე მხოლოდ ერთხელ ვნახე, გია, დანაშაულის ჩადენის შემდეგ, ადამიანურად შემეცოდა,არავინ არ ვართ ცოდვისაგან დაზღვეულნი უნებლიე იქნება თუ ნებელობითი, გვიანია თითზე კბენანი, ციხეში დაწერილ გიას მოთქმა-ლექსებს, მე, ვერ აღვიქვამ რაღაცნაირად, სხვისი განწყობა კი ამ ლექსების მიმართ არ ვიცი,მათი ნებაა. ჰა-რა-ლე დიდი იმედით ველოდი აქ თქვენ ნაწარმოებს, რა დიდებულად წერთ, შესაშური ლიტერატურული ხელწერა გაქვთ,, გარდაცვლილთა გახსენებაც ადამიანურია,ღმერთმა აპატიოს და შეუნდოს დანაშაული,თვითეულ ჩვენთაგანიც ჩავდივართ ცოდვებს და ვცდილობთ მოვინანიოთ, მე ვინ ვარ ვინმე განვიკითხო,თუმცა ვიტყვი,რომ ფერაძის მაგვარი, მსახიობები ,როგორც დიდებული გარეგნობიტ და ნიჭიერობიტ, იმ დროისათვის ბევრი იყო, , ბევრთაგანს არ ეღირსა არც კინოში და არც თეატრში როლი, ფერაძემ კი ახალგაზრდობაშივე მიაღწია ყველაფერს, ყავდა ცოლი, შვილი, კარგი ცხოვრება და იყო ბედნიერი, ხო 70-80 წლებში არ იყო ტელე- შოუები, იმ დროის თინეიჯერები, თავიანთ იდეალს, კერპს კინო- თეატრალურ წარმოდგენებში ეძებდნენ,როგორც ქარტულ სინამდვილეში ხდება,ბუმი, ცვენა იყო მსახიობებზე და ასე მოხდა ფერაძის შემთხვევაში, ჰო, მართალს ბრძანებთ " ვენებს იჭრიდნენ" სულერთი იყო ცოლიანი და უცოლოზე,, თანაც ქართული ფილმებიც ხშირად გადიოდა, ამ პოპულარობამ თავბრუ დაახვია ფერაძეს,რეალურად არ შეაფასა არსებული პირადი ბედნიერება და მან დაწვა ტაძარი, პატარა ბავშვს , საკუთარ შვილს დედა მოუკლა,საკუთარ ცოლს იმ მკერდში ესროლა,რომლითაც მის შვილს აწოვებდა, რისთვის ? მხოლოდ იმისთვის, რომ ცოლს- სიგიჟემდე უყვარდა ქმარი- გია ფერაძე. მე მხოლოდ ერთხელ ვნახე, გია, დანაშაულის ჩადენის შემდეგ, ადამიანურად შემეცოდა,არავინ არ ვართ ცოდვისაგან დაზღვეულნი უნებლიე იქნება თუ ნებელობითი, გვიანია თითზე კბენანი, ციხეში დაწერილ გიას მოთქმა-ლექსებს, მე, ვერ აღვიქვამ რაღაცნაირად, სხვისი განწყობა კი ამ ლექსების მიმართ არ ვიცი,მათი ნებაა.
19. ბატონო კახა, თუ არ წაგიკითხავთ, გირჩევთ წაიკითხოთ ნიკა ჩერქეზიშვილის „ქალბატონი დეიდა" ბატონო კახა, თუ არ წაგიკითხავთ, გირჩევთ წაიკითხოთ ნიკა ჩერქეზიშვილის „ქალბატონი დეიდა"
18. ძალიან ლამაზი მოგონება, ერთი ლამაზი ქალაქელი კაცის. მეც მეკუმშება გული გია ფერაძეს გახსენებისას, მქონდა შეხება ციხიდან გამოსვლის შემდეგ და ეხლა რომ ვიხსენებ, ეს ლექსი ზუსტად ასახავს იმ მდგომარეობას, რა მდგომარეობაშიც ის იყო იმ უბედურების მერე. ძალიან ლამაზი მოგონება, ერთი ლამაზი ქალაქელი კაცის. მეც მეკუმშება გული გია ფერაძეს გახსენებისას, მქონდა შეხება ციხიდან გამოსვლის შემდეგ და ეხლა რომ ვიხსენებ, ეს ლექსი ზუსტად ასახავს იმ მდგომარეობას, რა მდგომარეობაშიც ის იყო იმ უბედურების მერე.
17. ასე მხოლოდ ქართულ სინამდვილეში ხდება... გაიხარეთ. ასე მხოლოდ ქართულ სინამდვილეში ხდება... გაიხარეთ.
16. ერთ-ერთი გვერდი,სადაც მინდა შეფასება დავტოვო,მაგრამ-არ ფასდებაო:( ერთ-ერთი გვერდი,სადაც მინდა შეფასება დავტოვო,მაგრამ-არ ფასდებაო:(
15. მეტკინა გული ,ჰა-რა-ლე....
ბევრთან შევცდი... სხვა "ბევრი" ჩემთან არის "ჩაჭრილი" ღმერთმა ყველას შეუნდოს, მეც შემინდეთ ცოდვები.
თუმცა:"ამ ყველაფრისთვის მინდა მადლობა გითხრა!" 5 მეტკინა გული ,ჰა-რა-ლე....
ბევრთან შევცდი... სხვა "ბევრი" ჩემთან არის "ჩაჭრილი" ღმერთმა ყველას შეუნდოს, მეც შემინდეთ ცოდვები.
თუმცა:"ამ ყველაფრისთვის მინდა მადლობა გითხრა!" 5
14. ძალიან, ძალიან სევდიანი ამბავია. ძალიან, ძალიან სევდიანი ამბავია.
13. ვიტირე... ძალიან მიყვარდა გია... არაა, ხომ ვამბობ, თვალებმა სველ ადგილას გადაინაცვლეს-მეთქი? :((
ვიტირე... ძალიან მიყვარდა გია... არაა, ხომ ვამბობ, თვალებმა სველ ადგილას გადაინაცვლეს-მეთქი? :((
12. სევდიანი პორტრეტია, განსაკუთრებით ლექსია ნისლიანი და ტრაგიკული. ღმერთმა აცხონოს კარგი ადამიანი! რა თბილად მოიყვანე მკითხველთან პორტრეტის გმირი! მოგიკითხე, კახა-ბატონო! სევდიანი პორტრეტია, განსაკუთრებით ლექსია ნისლიანი და ტრაგიკული. ღმერთმა აცხონოს კარგი ადამიანი! რა თბილად მოიყვანე მკითხველთან პორტრეტის გმირი! მოგიკითხე, კახა-ბატონო!
11. რეჟისორი თვით ვიყავ, ასე მსურდა ფინალი, მსგავსად ჰეროსტრატესი, მეც ხომ დავწვი ტაძარი... ხომ გახსოვართ ქეიფში, ფეხბურთში მორკინალი? ხოდა, ფაფუ, გათავდა! ფერფლი ვარ და ნაცარი! +2 ფრიდასგან თქვენ და რატომღაც ეს გამახსენდა გიას გახსენებაზე ...
დაბრუნდებოდა თუ არა გია გასტროლებიდან, მისი სახლისკენ მონატრებული მეგობრების განუწყვეტელი სვლა იწყებოდა. კარზე ზარია, ე.ი. მორიგი სტუმარი მოვიდა; გიამ სათვალთვალოში გაიხედა და მეგობარი - ამირან ბუაძე დაინახა. ოთახში შებრუნდა, მიცვალებული ქალის რეზინის ნიღაბი გაიკეთა, ბებიის ხალათი ჩაიცვა, წელში მოკუნტულმა და ჯოხზე დაყრდნობილმა კარი გაუღო. თან არაამქვეყნიური ხმით სახლში შეიპატიჟა. ამირანს გული კინაღამ გაუსკდა, რადგანაც ნიღაბი მართლაც, საშინელი შესახედავი იყო. - ვაიმე! - იყვირა ამირანმა და მეექვსე სართულიდან პირველამდე სირბილით ჩავიდა, თან, იძახდა: - ფერაძე ხარ, ფერაძე, ხომ ვიცი, რო ფერაძე ხარ!..
რეჟისორი თვით ვიყავ, ასე მსურდა ფინალი, მსგავსად ჰეროსტრატესი, მეც ხომ დავწვი ტაძარი... ხომ გახსოვართ ქეიფში, ფეხბურთში მორკინალი? ხოდა, ფაფუ, გათავდა! ფერფლი ვარ და ნაცარი! +2 ფრიდასგან თქვენ და რატომღაც ეს გამახსენდა გიას გახსენებაზე ...
დაბრუნდებოდა თუ არა გია გასტროლებიდან, მისი სახლისკენ მონატრებული მეგობრების განუწყვეტელი სვლა იწყებოდა. კარზე ზარია, ე.ი. მორიგი სტუმარი მოვიდა; გიამ სათვალთვალოში გაიხედა და მეგობარი - ამირან ბუაძე დაინახა. ოთახში შებრუნდა, მიცვალებული ქალის რეზინის ნიღაბი გაიკეთა, ბებიის ხალათი ჩაიცვა, წელში მოკუნტულმა და ჯოხზე დაყრდნობილმა კარი გაუღო. თან არაამქვეყნიური ხმით სახლში შეიპატიჟა. ამირანს გული კინაღამ გაუსკდა, რადგანაც ნიღაბი მართლაც, საშინელი შესახედავი იყო. - ვაიმე! - იყვირა ამირანმა და მეექვსე სართულიდან პირველამდე სირბილით ჩავიდა, თან, იძახდა: - ფერაძე ხარ, ფერაძე, ხომ ვიცი, რო ფერაძე ხარ!..
10. ვახ მომეწონა ძალიან,ემოცია მოიტანა და ლექსი ხომ საერთოდ...+777 ვახ მომეწონა ძალიან,ემოცია მოიტანა და ლექსი ხომ საერთოდ...+777
9. ლამაზი მოსაგონარია ... ლამაზი მოსაგონარია ...
8. იმოქმედა ძალიან იმოქმედა ძალიან
7. ეე , კი მინდოდა შენი ეპითეტით მომეხსენებინე , მაგრამ ვეღარ ,დამასევდიანე (გაგიძნელდებოდა) და დალევა კი მომანდომე არ უნდა წამეკიტხა ეე , კი მინდოდა შენი ეპითეტით მომეხსენებინე , მაგრამ ვეღარ ,დამასევდიანე (გაგიძნელდებოდა) და დალევა კი მომანდომე არ უნდა წამეკიტხა
6. ძალიან კარგი გახსენებაა!!! ძალიან კარგი გახსენებაა!!!
5. ადამიანური ტრაგედია.. როგორი ნაღვლიანი ამბავია.. ადამიანური ტრაგედია.. როგორი ნაღვლიანი ამბავია..
4. კარგად რომ წერ, ეგ არავისთვის ახალი არ არის., მაგრამ რას წერ და ვიზე..., ეგაც ძალიან მნიშვნელოვანია... ხოდა მეც ასე ძალიან...ძალიან მიყვარხარ...:-* კარგად რომ წერ, ეგ არავისთვის ახალი არ არის., მაგრამ რას წერ და ვიზე..., ეგაც ძალიან მნიშვნელოვანია... ხოდა მეც ასე ძალიან...ძალიან მიყვარხარ...:-*
3. მოვიწყინე:( იმოქმედა ნაამბობმა და ლექსმაც...
მოვიწყინე:( იმოქმედა ნაამბობმა და ლექსმაც...
2. ძალიან ტკივილიანი გახსენებაა. ღმერთმა მოიხსენიოს მისი სული, სიმშვიდეში დაავანოს! ძალიან ტკივილიანი გახსენებაა. ღმერთმა მოიხსენიოს მისი სული, სიმშვიდეში დაავანოს!
1. 1985 წლის, 19 მარტი იყო ის წყეული დღე, საყვარელი ადამიანის მკვლელად რომ იქცა გია... 1985 წლის, 19 მარტს დასრულდა იმ გია ფერაძის ცხოვრება, ყველას რომ უყვარდა... შემდეგ ციხე, ხანმოკლე, აწეწილი თავისუფლება და გარდაცვალება - 47 წლის ასაკში...
ალვისაგან გათალეთ ჩემი კუბოს ფიცარი, ალვა ამკობს ჩემს კავშირს ფერადოვან წარსულთან. ცხოვრება კი შევიცან რაც არის და ვინც არის, მაგრამ რაღა დროსია... კომედია დასრულდა!
რეჟისორი თვით ვიყავ, ასე მსურდა ფინალი, მსგავსად ჰეროსტრატესი, მეც ხომ დავწვი ტაძარი... ხომ გახსოვართ ქეიფში, ფეხბურთში მორკინალი? ხოდა, ფაფუ, გათავდა! ფერფლი ვარ და ნაცარი!
ორი დღეც და შემამკობს, ალბათ შავი არშია, შავით შეიმოსება ჩემი მწირი სახლობა. თქვენი გია ფერაძე, თქვენთან ბარი-ბარშია. ეს სიკვდილი მან თვითონ ძალით მოიახლოვა.
............
მორჩა ლექსი, თვითონაც სანთელივით მივქრები... სული თითქოს დაჭრილი, მოფარფატე გედია... ისევ შენკენ მიხმობენ ეს სნეული ფიქრები, კომედია დასრულდა?.. დასრულდა ტრაგედია!
თუ არ ვცდები, ეს გიას უკანასკნელი ლექსია.
სამწუხაროა... აცხონოს ღმერთმა გია ფერაძე. კარგი მსახიობი იყო. ''ახალგაზრდა კომპოზიტორის მოგზაურობა'' - ში მაგრად თამაშობს.
1985 წლის, 19 მარტი იყო ის წყეული დღე, საყვარელი ადამიანის მკვლელად რომ იქცა გია... 1985 წლის, 19 მარტს დასრულდა იმ გია ფერაძის ცხოვრება, ყველას რომ უყვარდა... შემდეგ ციხე, ხანმოკლე, აწეწილი თავისუფლება და გარდაცვალება - 47 წლის ასაკში...
ალვისაგან გათალეთ ჩემი კუბოს ფიცარი, ალვა ამკობს ჩემს კავშირს ფერადოვან წარსულთან. ცხოვრება კი შევიცან რაც არის და ვინც არის, მაგრამ რაღა დროსია... კომედია დასრულდა!
რეჟისორი თვით ვიყავ, ასე მსურდა ფინალი, მსგავსად ჰეროსტრატესი, მეც ხომ დავწვი ტაძარი... ხომ გახსოვართ ქეიფში, ფეხბურთში მორკინალი? ხოდა, ფაფუ, გათავდა! ფერფლი ვარ და ნაცარი!
ორი დღეც და შემამკობს, ალბათ შავი არშია, შავით შეიმოსება ჩემი მწირი სახლობა. თქვენი გია ფერაძე, თქვენთან ბარი-ბარშია. ეს სიკვდილი მან თვითონ ძალით მოიახლოვა.
............
მორჩა ლექსი, თვითონაც სანთელივით მივქრები... სული თითქოს დაჭრილი, მოფარფატე გედია... ისევ შენკენ მიხმობენ ეს სნეული ფიქრები, კომედია დასრულდა?.. დასრულდა ტრაგედია!
თუ არ ვცდები, ეს გიას უკანასკნელი ლექსია.
სამწუხაროა... აცხონოს ღმერთმა გია ფერაძე. კარგი მსახიობი იყო. ``ახალგაზრდა კომპოზიტორის მოგზაურობა`` - ში მაგრად თამაშობს.
|
|
მონაცემები არ არის |
|
|