ნაწარმოებები



ავტორი: მათე
ჟანრი: პოეზია
18 თებერვალი, 2011


კარი


                            ,, ღმერთი  უფალი და გამოგვიჩნდა ჩვენ...’’
                                                                                          ფსალმ. 117.27.
ვდგავარ....
                  (და თითქოს არა ვარ?!....)
                                                                ჩუმად!...
ვდგავარ....
                  (ცარიელს დავცქერი....)
                                                            სანთლით!...
ვდგავარ...
                  (ხელს... და ვერ? ...)
                                              გავბედე მაინც დაკაკუნება!...

სიზმრების წყება ჭუჭრუტანაში შეიყუჟება.....
და გასაღების გაჩხაკუნება დააფრთხობს მძინართ....
კარის სახელურს ხშირად ვცვლიდი....
                                                              მოდანახიბლი.....
მაგრამ საძებარს ვერ ავუვლიდი.....
                                                              სულდაკარგული.....

კარი იღება?!.....
                            ო, ჯერ არა!...
რაც სათხოვარი თხოვაი მქონდა.....
                                                          ყველა მიხდება?!....
ვერ ავუვედი ჩამონათვალის გახსენებას.....
                                                            გული მელევა.....
კარს უკან კი,
                ყველაფერი აიკინძება...ჩანაფიქრი, სურვილი, ოხვრა.....
დაღლილს, ნათოვლი, ნაქარალი, გახუნებული ყველა ოცნება...
და საიმედო ყველა სუნთქვა, ყველა სიზმარი -- სხივნაწური, ღრუბელმდინარი,
გულმოუღლელად დანატოვარი -- ჩემი და შენი და კიდევ სხვისი  ეს მათხოვარი......
(იცი, ხანდახან გადაბმულად წერა მიყვარდა: გულდასულნაწირმოუოხარი...)

დააკაკუნეთ და გაგეღებათ!
                              სეზამ, გაიღე!
                                                ითხოვეთ და მოგეცემათ!
                                                                                        რწმენით მოიღე!
კაკუნი ჩუმი. ვაღებ... და
                                          ცოტა ხურდა ხომ არ გექნებათ?
                                                                                                  ..................................
ღმერთი უფალი და გამოგვიჩნდა ჩვენ!
ამინ...
                                                                                                  18.02.11.

კომენტარები ილუსტრაციები რეცენზიები