ნაწარმოებები


ურაკპარაკის დასახმარებლად!!!     * * *     გთხოვთ შეიხედოთ ფორუმზე: #ურაკპარაკის ფორუმი >> ლიტერატურული საიტის შესახებ >> ურაკპარაკის დასახმარებლად -> http://urakparaki.com/?m=13&Forum=1&Theme=1502#Last

ავტორი: ზაზა ფირცხალაიშვილი
ჟანრი: პოეზია
11 აგვისტო, 2011


ერთხელ…

„ვკეცე, ვკეცე, ვერ დავკეცე“ - ტყუილია,
მოვედი და ჩემი სუნთქვა მოგიახლე,
ეს შეხვედრა ალბათ უფრო დუელია,
ზურგით ვდგები ბარიერთან შორიახლო...
ცის ფერდობზე დროს ვაჩერებ ხარაჩოდან,
რომ ისრებმა არ მოკვეთონ თორმეტს თავი,
ნეტავ ფერი შერჩებოდეთ ყაყაჩოებს
და ადრიან თოვლივით არ გამითავდე.
მოვედი და სულ სხვა გრძნობა მეუფლება -
ჩემს ბედს დღემდე ვკარგავდი და მგონი ვიძენ,
მე გიპოვნე როგორც იქნა დედოფალო,
გკოცნი, ჩემი ბედი გქვია, გაიღვიძე!

კომენტარები ილუსტრაციები რეცენზიები