ნაწარმოებები


ურაკპარაკის დასახმარებლად!!!     * * *     გთხოვთ შეიხედოთ ფორუმზე: #ურაკპარაკის ფორუმი >> ლიტერატურული საიტის შესახებ >> ურაკპარაკის დასახმარებლად -> http://urakparaki.com/?m=13&Forum=1&Theme=1502#Last

ავტორი: ჯუპუი
ჟანრი: პოეზია
5 სექტემბერი, 2011


იცი შენ და ვიცი მე

მიყვარს შენგან გაქრობა, შემოდგომის თვესავით
ჯერ გართობა, სითბო და მერე უცებ სიცივე
ვიცი ნათქვამს ვერავინ ვერ გამიგებს თქვენსავით
თქვენც, რომ ასე იქცევით უკვე ისიც ვიცი მე.

ცივი ზამთრის გატანა დაგებედათ უჩემოდ
ახლა დეკემბერია ნუღარ ელით მაისებს,
კაცი გულს რომ განახებთ, ზურგი აღარ უჩვენოთ
თორემ შემდეგ გაზაფხულს აღარ მოგიმაისებთ.

ხშირად წვიმა მოდის და უცნაურად მაცივებს
მატყუარა  ამინდის  აღარა  მაქვს  ატანა..
მორჩა ბოლო მოეღო იმ ღრუბელთა დაცინვებს
სხივმა სითბო გადმომცა მზემ, რომ გამოატანა.

მიყვარს შენგან გაქრობა, შემოდგომის თვესავით
მაგრამ ახლა უვადო მოსჩანს ჩვენი სიცივე
ვიცი ნათქვამს ვერავინ ვერ გამიგებს თქვენსავით
ჩვენთვის ასე სჯობია იცი შენ და  ვიცი მე.


კომენტარები ილუსტრაციები რეცენზიები