მე - უცხო ქალი,
ზღვარგადასული,
გაოცებული თვალებისგან ხელნაკეთ
თილისმას ვატარებ
და მკერდზე მძივებად აწყობილი
სხვადასხვა ფერი წყევლა მიკეთია.
ალისფერი თმა მიხდება
და შენც აღარ გჭირდება
ჩემი მზესთან მსგავსების ძებნა.
ყალბი ღიმილების საფეხურებით
მივიწევ მაღლა
და აი, კიდევ ერთი საფეხური გადავლახე...
მე - უცხო ქალი,
ზღვარგადასული,
მივდივარ წინ.
უბრალოდ (!)
და
მპოულობ (!)
მე თითებით ვაწვალებ მძივზე
წითელი ფერის  წყევლას
შენ კი ერთ გაოცებულ მზერად იბზარები
ჩემს თილისმაზე.
იღიმები,
მე მადლობას გიხდი სიმაღლეზე ასავლელი
კიდევ ერთი საფეხურისთვის (!)
მე - უცხო ქალი,
ვენებში გაყინული
ბოლო წყლის წვეთით,
ვტოვებ ღმერთს,
რომ  მასთან ხელახალი შეხვედრით დავტკბე.

გვანცა ვივალდი
2010 წელი