მთვარისგან გავჭედე "კალიცო"
და მერე მაგ თითზე აგაცვი,
თვალსა მჭრის ალმასის ციალი,
მე ყველა დარდისგან დაგიცავ.
დაგიცავ დარში და ავდარში
როდესაც სურვილი გაჟონავს
ტვინიდან,თითების არშინით,
თვალებზე ცრემლების ნაჟურებს
მოგწმენდავ და მერე ხელიხელს
ჩავჭიდებთ და უცხო მხარეში
წავალთ,მე ვიქნები ხალიფა,
სამყაროს მოვითარეშებთ.
შენს ფერხთით დავაწყობ ჩემს ნადავლს,
ზურმუხტებს,ლალებს და საფირონს,
გზა შენზე ფიქრებში გავლიე,
ზურგს უკან ღამე დგას ფირალი,
შენში კი მზეები ხალისობს,
მზის სხივებს თვალებით აშუქებ,
შენ ჩემი სატრფო ხარ ხვალიდან,
მე შენი ერთგული აშუღი..
                              დ.მ.2012წ.