ნაწარმოებები


    * * *    

ავტორი: ოთარ ცისკაძე
ჟანრი: თარგმანი
13 მაისი, 2012


ჯორჯ გორდონ ბაირონი - დაწერილი სესტოდან აბიდოსში გადაცურვის შემდეგ

გინდაც მდგარიყო ღამე დეკემბრის,
მას ჰქონდა ყოველღამეულ ჩვევად
(ვის აღარ ახსოვს მითი ლეანდრის?),
რომ ჰელესპონტი გადაეცურა.

თუმც ღრიალებდა ზამთრის გრიგალი,
ის ისწრაფოდა ენახა ჰერო,
მაშინაც ასე ღელავდა წყალი
და ღამე იყო საბედისწერო.

მისი მემკვიდრე ვარ უკეთური,
ახლა თუმცაა მაისი რბილი,
ძლივს რომ ვმოძრაობ სველი კიდურით
და მივიკუთვნებ მეც სახელს გმირის.

მან გადაცურა ბევრჯერ დინება,
თუ იმ ძველ ამბავს დაეჯერება,
ღმერთმა ხომ უწყის, ვის რა ენება -
მას სიყვარული, მე კი – დიდება; 

ძნელია თქმა, ვინ უკეთ იმგზავრა:
მოკვდავნო, ღმერთნი რარიგად გსჯიან!
გარჯა შეუწყდა მას - ჩაიძირა,
ოხუნჯობა კი - მე - ციებიანს.


13 მაისი, 2012 წ.


Written After Swimming From Sestos to Abydos
by George Gordon, Lord Byron


If, in the month of dark December,
Leander, who was nightly wont
(What maid will not the tale remember?)
To cross thy stream, broad Hellespont!

If, when the wintry tempest roar'd,
He sped to Hero, nothing loth,
And thus of old thy current pour'd,
Fair Venus! how I pity both!

For me, degenerate modern wretch,
Though in the genial month of May,
My dripping limbs I faintly stretch,
And think I've done a feat today.

But since he cross'd the rapid tide,
According to the doubtful story,
To woo, -- and -- Lord knows what beside,
And swam for Love, as I for Glory;

'Twere hard to say who fared the best:
Sad mortals! thus the gods still plague you!
He lost his labour, I my jest;
For he was drown'd, and I've the ague.




ჰეროსა და ლეანდრს პირველად ბერძნულ მითოლოგიაში ვხვდებით, მათ სასიყვარულო ურთიერთობაზე ლეგენდა გვიყვება : ჰერო აფროდიტეს ქურუმი გოგო იყო და სესტოში, კოშკში ცხოვრობდა, რომელიც ჰელესპონტის არხის  ნაპირზე მდებარეობდა. ლეანდრი, ახალგაზრდა ყმაწვილი ჰელესპონტის საპირისპირო ნაპირიდან, აბიდოსიდან იყო. ლეანდრს ჰერო თავდავიწყებით შეუყვარდა, ოღონდ საყვარელ ადამიანთან ერთად ყოფილიყო და ამის გამო მზად იყო, ყოველ ღამე გადაეცურა ჰელესპონტი. ჰერო თავისი კოშკიდან შუქურას უნათებდა მიჯნურს და ასე უკვალავდა ტალღებში გზას.
ეს ურთიერთობა მთელი ზაფხულის განმავლობაში გრძელდებოდა, მაგრამ ზამთრის ცივ დღეს, როდესაც ტალღები აზვირთდნენ და დინებამაც მოიმატა, ლეანდრი წყალს ვეღარ გაუმკლავდა,  ჰეროს ჩირაღდანიც ქარმა ჩააქრო. ლეანდრმა გზა დაკარგა და ჩაიძირა. დილას მისი სხეული წყალმა ჰეროს ფეხებთან გამორიყა, ამის დანახვის შემდეგ ჰერო კოშკიდან წყალში გადაეშვა და თავი მოიკლა.

იხ. http://www.babisa.ge/2009/10/blog-post_4561.html



კომენტარები ილუსტრაციები რეცენზიები