ნაწარმოებები



ავტორი: რობერტ მესხი
ჟანრი: პოეზია
20 ოქტომბერი, 2008


აღმოსავლური

რა არის შენთვის
ვარდები და მთელი შირაზი
და შაჰის კარზე მოქსოვილი ყველა ხალიჩა?
საუბრობ,
ვითომც არაფერი,
და ჩემს ჯინაზე
არც ლექსს, არც თვალებს
მნიშვნელობას აღარ ანიჭებ.
და მაინც,
მაინც,
როცა გისმენ,
ასე მგონია,
ღამენათევი მზე ამოგდის
ცხელი ხორხიდან
და ბულბულები გასხდებიან
სახმო სიმებზე.

კომენტარები ილუსტრაციები რეცენზიები