ახალი გათხოვილი ვიყავი. პირველი სადილი უნდა მომემზადებინა და ვღელავდი. ჩვევა მაქვს ეგეთი, ყველაფერ პირველზე ვღელავ. რაღაც პროდუქტები კი მოვიძიე სახლში, მაგრამ მწვანილი იყო მოსატანი. წავედი ბაზარში. მშვიდად წავედი, პირველად კი არ მივდიოდი...
- ,,მარკოვკა“ იეფად, აჰა, რამდენი კილო, ლამაზოჯან. - სიტყვებთან ერთად სტაფილოებიც სხაპა-სხუპით დაყარა სასწორზე გამყიდველმა.
- ვაშლი იყიდე, გოგო, ნახე, ისეთია, ადამს აცდუნებს. - ცელოფანი გაამზადა მეორემ.
,,მარკოვკა“ მხოლოდ ბავშვობაში მიყვარდა, ისიც მხოლოდ ნახშირსა და ნახშირს შორის, ცხვირად ჩასარჭობად... ,,ჩემი წილი ადამი“ კი, უკვე ნაცდუნები მყავდა. ამიტომ საქმიანი ქალის იერით მოვიგერიე პირველი შემოთავაზებები. ისე ცხვირაწეულმა დავიწყე სასურველი პროდუქტის თვალებით ძებნა, მჟავე გამომეტყველების მქონე მწნილის გამყიდველმა ჩემს ცხვირთან მოტანილი ჯონჯოლი უსიტყვოდ დაუშვა. ეტყობა იფიქრა, ფეხი არ ჩამივა, ეს ასატრინა - ხიზილალის კლიენტი ჩანსო. რა იცოდა, რომ ორიოდე ღერი მწვანილისთვის გავისარჯე და თან (ვაი, სირცხვილო) მათი ცნობა ხეირიანად არც კი ვიცოდი. უფრო სწორად, მხოლოდ ქინძისა და ოხრახუშის გარჩევა მიჭირდა ერთმანეთისგან, თორემ კამისა და რეჰანის ცნობა არასდროს გამძნელებია, ეგრეც კი არაა...
,,შინაური მწვანილი“ - დანერწყვილი ფანქრით საგულდაგულოდ მიუწერიათ მუყაოს ნაჭერზე. ტრაფარეტი მოჭიდავის აღნაგობის მქონე ძია გამყიდველს სახეს სანახევროდ უფარავს. მწვანილის გარდა, ხშირი, გადაბმული წარბებისა და მათ ქვეშიდან გამოსროლილი (შ)ავი მზერის პატრონიცაა...
კამის მოზრდილი კონები გაღიზიანებულმა მიაწოდა ორ თინეიჯერ გოგონას. თან ეუბნება:
- ვინ წაგიყვანთ თქვენა, კამა, ცერეცო და უჯანგარი ერთი გგონიათ...
- აუ, ბიძია, რატომ იწყევლებით? - გადაიკისკისეს გოგოებმა და გაგვეცალნენ.
კარგა ხანს უხერხულად ვატრიალე შავი ძაფით გაკოჭილი, ჩემი აზრით ტყუპებივით მსგავსი კონები, თან ვფიქრობ: ,,არ შეიძლება, ოხრახუში შავი ძაფით შეკრან და ქინძი წითლით? ან ქინძი შა...”
- ჰა! - დამიბღვირა ლოდინით გაბეზრებულმა მემწვანილემ.
- ეს... ქინძია? - ალალბედზე ვიკითხე.
- არა!
- და ეს... ოხრახუშია? - დაბნეულმა ახლა სხვა კონაზე მივუთითე.
მომეჩვენა, რომ ნესტოები დაბერა და ორთქლი გამოუშვა.
- აჰ, არა... პეტრუშკაა, ეს... - ,,გამოვასწორე” შეცდომა.
მწვანილის ზვინიდან ტრაფარეტი ამოაძრო და გვერდზე გადადო. მოვიბუზე. ახლა უკვე მხოლოდ ერთმანეთის თვალებს კი არა, მთელ სახეს ვხედავდით. დავფრთხი რომელია...
- გათხოვილი ხარ? - ჩამეკითხა.
რა დროს ეს იყო, მაგრამ ერთი კადრი გამახსენდა მულტფილმიდან. ხარი წითელ ნაჭერს მიზანში იღებს, თან ფლოქვებს მიწაზე უსვამს, ემზადება...
აშკარაა, ბრაზიანი ძია მემწვანილე დარწმუნებულია, ვუპასუხებ: ,,არ ვარ გათხოვილი.” ის კი მეტყვის, რომ ვერც გავთხოვდები, იმიტომ, რომ ქინძი და ოხრახუში ერთი და იგივე მგონია, ოხრახუში და პეტრუშკა კიდევ - სხვადასხვა. პასუხი რომ შევაყოვნე, უფრო მკაცრად გამიმეორა:
_ ჰა, გათხოვილი ხარ?!
_ დი...იახ... გუშინწინ... _ ღაწვშეფაკლულმა და წამწამაფახულებულმა ჩავილუღლუღე.
პაუზა.
როგორც ჩანს, ჩემი პასუხი მოულოდნელი აღმოჩნდა არა მხოლოდ ,,შინაური მწვანილის,“ არამედ მის აქეთ-იქით მდგარი ,,ნაღდი მარნეულის ქართოფილისა“ ,,უჭიანო ლობიოს“ გამყიდველებისთვისაც. ერთმანეთს გადახედეს. იმ ორმა უცხომ თბილად გამიღიმა, ,,ჩემი“ ჯერ ისევ ბრაზიანად შემომცქერის. მერე, უცებ, შუბლი გახსნა. წარბები, მე რომ აქამდე გადაბმული მეგონა, ერთმანეთს დააშორა და გულიანად გაიცინა.
_ მაშ, გუშინწინო?
ყოფილი ,,ბრაზიანი ძია მემწვანილე” აროხროხდა, ,,ქართოფილსაც“ გაეცინა და ,,უჭიანომაც“ გამოამზეურა ჭიანი კბილები. გამხიარულდნენ. მე უხერხულობისგან დაბნეულად ვიღიმოდი. იქვე, ყუთებში ჩაწიკწიკებული ,,თურქული მარა კაი პამიდორის“ ფერი დამეფინა ლოყებზე.
ხასიათგამოკეთებულმა მემწვანილემ ჯერ ტრაფარეტი დააბრუნა ,,ზვინზე“, მერე დაიხარა და მწვანილის ვეებერთელა, თაიგულივით კონა ამოიღო დახლსქვემოდან.
_ აჰა, გამომართვი, _ მომაწოდა. _ ფული არ მინდა, საქორწინო საჩუქარი იყოს ჩემგან.
პირველი სადილი გემრიელი გამოვიდა, მოუხდა საჩუქარი. გამოგიტყდებით, დანამდვილებით ახლაც არ ვიცი, ქინძი იყო თუ ოხრახუში. კამა და რეჰანი რომ არ იყო, მაგაში კი დარწმუნებული ვარ. მაგათი ცნობა არასდროს მიჭირდა...
| კომენტარები |
ილუსტრაციები |
რეცენზიები |
|
26. ღიმილიანი მადლობა, არტე :)) ღიმილიანი მადლობა, არტე :))
25. ღიმილიანი 5 ნათი:) ღიმილიანი 5 ნათი:)
24. იუმოეისტულში რომ დაგედო კაი იქმებოდა, ისე მომეწონა :-) მე ძლივს ვისწავლე მაგათი გარჩევა:-) იუმოეისტულში რომ დაგედო კაი იქმებოდა, ისე მომეწონა :-) მე ძლივს ვისწავლე მაგათი გარჩევა:-)
23. უღრმესი მადლობა :) უღრმესი მადლობა :)
22. ნათელი, მინიატურაა,ერთი მოსმით შექმნილი ფსიქოლოგიური ხასიათი. მაგალითი იმისა, თუ მცირე ჟანრშიც როგორაა შესაძლებელი ნიჭის გამოვლენა. აღტაცებული ვარ! ნათელი, მინიატურაა,ერთი მოსმით შექმნილი ფსიქოლოგიური ხასიათი. მაგალითი იმისა, თუ მცირე ჟანრშიც როგორაა შესაძლებელი ნიჭის გამოვლენა. აღტაცებული ვარ!
21. ძალიან მომეწონა. ) ++ ძალიან მომეწონა. ) ++
20. ჰო, ოხრახუშ-ნიახურიც არაა ერთიმეორისგან იოლი გასარჩევი, მაგრამ ეგ პრობლემა მოგვარებული მაქვს - საერთოდ უარს ვამბობ ნიახურზე, არანაირ კერძში არ ვიყენებ. ახლა არ თქვათ, ეგ რა მოგვარებაა, ოხრახუშს მაინც ხომ იყენებ, ჰოდა, კაიდა ნიახურში აგერიოსო? :))))) იქნებ ამრევია კიდეც და ვერ მივმხვდარვარ :))))
მთლად მხოლოდ კულინარიული კომენტარი რომ არ გამოვიდეს, ერთ პ.ს.-ს მივაწერ:
მეზობელ საიტზე ჯუზეპეს კომენტარი მომეწონა:
ოხ, რა ხუშიანი, მოთხრობააო.
ოხ, რა ხუშიანი-ოხრახუშიანი :) ძალიან მომეწონა!
ჰო, ოხრახუშ-ნიახურიც არაა ერთიმეორისგან იოლი გასარჩევი, მაგრამ ეგ პრობლემა მოგვარებული მაქვს - საერთოდ უარს ვამბობ ნიახურზე, არანაირ კერძში არ ვიყენებ. ახლა არ თქვათ, ეგ რა მოგვარებაა, ოხრახუშს მაინც ხომ იყენებ, ჰოდა, კაიდა ნიახურში აგერიოსო? :))))) იქნებ ამრევია კიდეც და ვერ მივმხვდარვარ :))))
მთლად მხოლოდ კულინარიული კომენტარი რომ არ გამოვიდეს, ერთ პ.ს.-ს მივაწერ:
მეზობელ საიტზე ჯუზეპეს კომენტარი მომეწონა:
ოხ, რა ხუშიანი, მოთხრობააო.
ოხ, რა ხუშიანი-ოხრახუშიანი :) ძალიან მომეწონა!
19. "ახალგაზრდობაში" ოხრახუში და ნიახური მერეოდა ერთმანეთში. უფრო სწორად, ოხრახუშზე გამაგზავნა დედაჩემმა და ნიახურის არსებობაზე წარმოდგენაც კი არ მქონდა. მანეთი გამატანა და ამისი სულ მომიტანეო. (რამდენიმე პატარა კონას თუ გულისხმობდა) ჰოოდა დიდი სიამაყით მოვუცუნცულე უზარმაზარი კონა ნიახური.
კიდევ კარგი, კეთილი გამყიდველი შემხვდა-უკან მიბრუნებულს პატიოსნად გამიცვალა 3 კონა ოხრახუშში, თორემ ახლა იქნებ ვეღარც კი მემეგობრა თქვენთან, ისეთი გაბრაზებული იყო დედაჩემი :) ძალიან ეჩქარებოდა, ტენდისავით კონსერვს აკეთებდა, თორემ მე გამგზავნიდა ბაზარში?!
რათქმაუნდა 5 "ახალგაზრდობაში" ოხრახუში და ნიახური მერეოდა ერთმანეთში. უფრო სწორად, ოხრახუშზე გამაგზავნა დედაჩემმა და ნიახურის არსებობაზე წარმოდგენაც კი არ მქონდა. მანეთი გამატანა და ამისი სულ მომიტანეო. (რამდენიმე პატარა კონას თუ გულისხმობდა) ჰოოდა დიდი სიამაყით მოვუცუნცულე უზარმაზარი კონა ნიახური.
კიდევ კარგი, კეთილი გამყიდველი შემხვდა-უკან მიბრუნებულს პატიოსნად გამიცვალა 3 კონა ოხრახუშში, თორემ ახლა იქნებ ვეღარც კი მემეგობრა თქვენთან, ისეთი გაბრაზებული იყო დედაჩემი :) ძალიან ეჩქარებოდა, ტენდისავით კონსერვს აკეთებდა, თორემ მე გამგზავნიდა ბაზარში?!
რათქმაუნდა 5
18. მადლობა ყველას!
მუხა, ყოველთვის აღნიშნავ, რომ ჩემგან შედევრს ელოდები, რომ გაცილებით მეტი შემიძლია, ვიდრე ვაკეთებ. გმადლობ! გამემართლებინოს შენი იმედები! :) :****** მადლობა ყველას!
მუხა, ყოველთვის აღნიშნავ, რომ ჩემგან შედევრს ელოდები, რომ გაცილებით მეტი შემიძლია, ვიდრე ვაკეთებ. გმადლობ! გამემართლებინოს შენი იმედები! :) :******
17. ძალიან სახალისო, ლამაზი და გემრიელი რამეა თავის საკაზმით, მაგრამ ეს გენია-ჭკვა გონება, ამისთვის დახარჯო მენანება.
მე შენგან არ გაგონილ, არ ნახულ, შედევრებს ველოდები! ძალიან სახალისო, ლამაზი და გემრიელი რამეა თავის საკაზმით, მაგრამ ეს გენია-ჭკვა გონება, ამისთვის დახარჯო მენანება.
მე შენგან არ გაგონილ, არ ნახულ, შედევრებს ველოდები!
15. გამახალისა მეც:)
მშვენიერია. გამახალისა მეც:)
მშვენიერია.
13. მიუხედავად იმისა, რომ ყველა მწვანილს შესანიშნავად ვცნობ, მიუხედავად იმის, რომ სასტიკად ვერ ვიტან ვერცერთ მათგანს (ანუ მწვანილეულობას) და მიუხედავად იმის, რომ ეს ვიცოდი (ანუ ამბავი), სიამოვნებით წავიკითხე და ვიხალისე:) მიუხედავად იმისა, რომ ყველა მწვანილს შესანიშნავად ვცნობ, მიუხედავად იმის, რომ სასტიკად ვერ ვიტან ვერცერთ მათგანს (ანუ მწვანილეულობას) და მიუხედავად იმის, რომ ეს ვიცოდი (ანუ ამბავი), სიამოვნებით წავიკითხე და ვიხალისე:)
12. ვერც მე ვარჩევ : )) ნამდვილად სახალისო ამბავია და გემრიელად ჩავიკითხე :) +2 ვერც მე ვარჩევ : )) ნამდვილად სახალისო ამბავია და გემრიელად ჩავიკითხე :) +2
11. კარგია, კარგი იუმორია. შედარებით მსუბუქად საკითხავია, ვიდრე თქვენი სხვა მოთხრობები. კარგია, კარგი იუმორია. შედარებით მსუბუქად საკითხავია, ვიდრე თქვენი სხვა მოთხრობები.
10. გმადლობთ წაითხვა-შეფასებისთვის :)
გმადლობთ წაითხვა-შეფასებისთვის :)
9. რა მაგის პასუხია და გუშინწინ გათხოვილ გოგონას მწვანილისთვის უნდა ეცალოს?
შამპანური და შოკოლადი კიდევ იქვე, სუპერმარკეტშიც იქნებოდა და არც ცნობა გაგიჭირდებოდა ნათია ნათლიავ :)
ისე, იმ "შენი" მემწვანილის მეზობლებს არ ეკუთვნოდათ საქორწინო საჩუქარი?
რა მაგის პასუხია და გუშინწინ გათხოვილ გოგონას მწვანილისთვის უნდა ეცალოს?
შამპანური და შოკოლადი კიდევ იქვე, სუპერმარკეტშიც იქნებოდა და არც ცნობა გაგიჭირდებოდა ნათია ნათლიავ :)
ისე, იმ "შენი" მემწვანილის მეზობლებს არ ეკუთვნოდათ საქორწინო საჩუქარი?
8. ძალიან კარგია ...ხალისით წავიკითხე.
(ოხრახუში და ქინძი საერთოდ არ გავს ერთმანეთს:)) ) ძალიან კარგია ...ხალისით წავიკითხე.
(ოხრახუში და ქინძი საერთოდ არ გავს ერთმანეთს:)) )
6. ნათლიაროსტიაშვილიიი, ეს კი ვიცოდი მე, მაგრამ ნიახურსა და ოხრახუშს ახლაც ვერ ვარჩევ და ყოველთვის მაგ საქმის "დიდად მცოდნეები" მომყავსხოლმე ბაზარში. ვინ გამიბედავს უარის თქმას წამოყოლაზე?! :))
ძალიან კარგია და ძალიან მომეწონა. :)
გენიოსი ხარ, ნათლიაროსტიაშვილო! :)
ტენდიიი
და 5 ნათლიაროსტიაშვილიიი, ეს კი ვიცოდი მე, მაგრამ ნიახურსა და ოხრახუშს ახლაც ვერ ვარჩევ და ყოველთვის მაგ საქმის "დიდად მცოდნეები" მომყავსხოლმე ბაზარში. ვინ გამიბედავს უარის თქმას წამოყოლაზე?! :))
ძალიან კარგია და ძალიან მომეწონა. :)
გენიოსი ხარ, ნათლიაროსტიაშვილო! :)
ტენდიიი
და 5
5. თავიდან ბოლომდე საოცარი იუმორია...აი, ისეთი აქვე როა... ხელს რომ შეახებ ...
ანუ ყოველდღე რომ გვხვდება...და შენ მაინც ასი წელი რომ ვერ დაწერ კაცი...:))) თავიდან ბოლომდე საოცარი იუმორია...აი, ისეთი აქვე როა... ხელს რომ შეახებ ...
ანუ ყოველდღე რომ გვხვდება...და შენ მაინც ასი წელი რომ ვერ დაწერ კაცი...:)))
4. აუუ ნათია..:-* :))))) რა კარგი რამე იყო...ამ ცუდ გუნებაზე როგორ ამახარხარე...:))))
სიტყვის ოსტარტი, ჩვენი ბრძენი მობერი ნათია როსტიაშვილი...555555
სახლმართველებს და სახნათელებს აღარ ვიტყვი..:-* :-* აუუ ნათია..:-* :))))) რა კარგი რამე იყო...ამ ცუდ გუნებაზე როგორ ამახარხარე...:))))
სიტყვის ოსტარტი, ჩვენი ბრძენი მობერი ნათია როსტიაშვილი...555555
სახლმართველებს და სახნათელებს აღარ ვიტყვი..:-* :-*
3. დაბრუნდა როსტიაშვილი, პატარა მაგრამ ლამაზი და იუმორით გაჯერებული მოთხრობით დაბრუნდა.
+2 დაბრუნდა როსტიაშვილი, პატარა მაგრამ ლამაზი და იუმორით გაჯერებული მოთხრობით დაბრუნდა.
+2
2. ბრაავო! სუფთა, აკურატული, მაღალმხატვრული ნაწერი! დიდი სიამოვნება მივიღე! 10+ ბრაავო! სუფთა, აკურატული, მაღალმხატვრული ნაწერი! დიდი სიამოვნება მივიღე! 10+
1. დიიიიიიიიიიიიიიიიდი 5 ნათი :)) თან კარგადაც ვიხალისე :) მაგარი ხარ :) რაც მართალია მართალია :) დიიიიიიიიიიიიიიიიდი 5 ნათი :)) თან კარგადაც ვიხალისე :) მაგარი ხარ :) რაც მართალია მართალია :)
|
|
| მონაცემები არ არის |
|
|
