დაგინახე და ათრთოლდა გული,
ძარღვებში სისხლმა დაიწყო ღელვა,
სულ ერთი სიტყვა გამიჩნდა სრული,
რა ძალამ შეგქმნა ანდა რა ხელმა.
ვინ დაგანათლა ნაზი ღიმილი
ნებისმიერ კაცს გულს რომ გაუპობს,
შენთან დარჩენის საოცარ სურვილს
აღარასოდეს რომ არ გაუქრობს.
რომ შენ ხარ ღელვა და ქარიშხალი,
გადმოქროლილი პარნასის მთიდან,
როგორც მზის სხივი მთებში მიმქრალი,
შენს გარდა მეტი არავინ მინდა.
შენ სიმბოლო ხარ ლამაზი ქალის,
დაბადებული ღვთაების ნიშნით,
ნუ მეტყვი უარს თუ კიდევ შეგხვდი
და სიყვარულით გულს გადაგიშლი.
შენა ხარ სულის სიღრმე და შუქი,
მიუწვდომელი დილის ცისკარი,
ბედნიერი ვარ,გავბედე თუ-კი,
ეს ყველაფერი დღეს რომ გითხარი.

პატივისცემით ზ.მ.