მთავარი გვერდი
პორტალის შესახებ
რეგისტრაცია
ნაწარმოებები
კომენტარები
რეცენზიები
დღიურები
წევრები
ლიტ-მოვლენა
ილუსტრაცია
მოგვწერეთ
ძებნა
ფორუმი

ავტორი: რობერტ მესხი
ჟანრი: პროზა
4 მაისი, 2013

გაზაფხული ჟურნალის გარეკანზე (100 სიტყვა "ლექსების გამოფენისთვის")

ადრეც შემხვედრია მეტროში. ბოშაა? ვერ ვიტყოდი. ქერა, ტალღისებრი თმა აქვს, თეთრი პირისახე. ათის ან თორმეტის იქნება. ვაგონიდან ვაგონში გადადის, ხურდას ითხოვს.
დღესაც შემოვიდა... ნაჭრისჩანთიან ქალს მისდევს, კალთაზე ებღაუჭება. ქალი საბავშვო ჟურნალებს დაატარებს. რა ღირსო? - ქერათმიანი ეკითხება. ორმოცდაათი თეთრიო, - პასუხობს გამყიდველი, ფერადგარეკანიან ჟურნალს ცხვირწინ უტრიალებს. ცხენი მიჭენაობს, ცხვრები ძოვენ, ნარცისები მოსულან, მოკლედ, გაზაფხულია გარეკანზე, (ქერათმიანს გაზაფხულისთვის სად სცალია? დილიდან საღამომდე მეტროშია, ხან ერთ, ხან მეორე ვაგონში), ორჭოფობს, ჯიბეს აჩხარუნებს, მერე ერთბაშად ხურდით სავსე მუჭი ამოაქვს, ქალს ჟურნალში ორმოცდაათთეთრიანს უცვლის, ფურცლავს და ფურცლავს, თეთრ პირისახეზე ღიმილი დასთამაშებს. საოცრად წრფელი ღიმილი... წამიც და... ბოლოდან იწყებს. ჩქარობს...
ბოშაა? ვერ ვიტყოდი! ქერა, ტალღისებრი თმა აქვს...           
კომენტარები ილუსტრაციები რეცენზიები