| ავტორი: ბენ-ჰური ჟანრი: პოეზია 19 ივნისი, 2013 |
ქრისტეშობას, ახალ წელს და ნათლისღებას, სუსხიანი იანვარი მოგვილოცავს, არე-მარეს თოვლისფერად შეღებავს და ესტაფეტას თებარვალს გადაულოცავს.
ჩააყენებს ხეში წყალს - თვე დღენაკლული, გააღვიძებს მიძინებულ ბებერ ქარებს, როს შეიგრძნობს მობრძანებას გაზაფხულის, სევდიანად მიიკეტავს ზამთრის კარებს.
მოვარდება მარტი - გიჟი, მთვარეული, გადაიყვანს მის ჭკუაზე ბუნებასაც, გაიღვიძებს ტყეში კენკრა გარეული, თათის ლოკვა მოსწყინდება მურა დათვსაც.
აპრილი ხომ მხატვარია გაწაფული, მოაბიჯებს ოქროს ფუნჯით და პალიტრით, ფერებს ასხავს არე-მარეს სიყვარულით, ამ სიყარულს მე ვერ ავღწერ ენით, სიტყვით.
ლამაზ ბაღში გაშლილ ვარდის სუნი მეცა, აუღია გლეხს სოფელში თოხი, ბარი, თუ გაჭყლიტე თუთა, ბალი თუ დაგეცა, ესეიგი მაისია კარს მომდგარი.
დღემ იმატა, ფარფატებენ ფარვანები, ქვირითობენ თევზები და ყანა ხარობს, ამ ივნისსაც გავაცილებთ დანანებით, მალე ქორფა გამოუვა სიმინდს ტარო.
გაივლისდა, მოუმატა მზემ სხივები, შუადღემდე თუ მოასწრებს მკას სოფელი, ალაგ-ალაგ ატუზულან თივის ძნები, კიდევ ცოტა დარჩენილა შესაკვრელი.
აგვისტოში ვარსკვლავთცვენას უდარაჯე, ბევრი წყდება,თითქოს ცაზე ვერ ეტევა, ფერისცვალებაზე თუ ვერ ეზიარე, ოცდარვაში ღმრთისმშობელი შეგეწევა.
სექტემბერი ხავერდოვანს გეტყვის სალამს, გეამება სიო ზღვიდან მონაბერი, ყურძენი რომ თავს დაუხრის მორცხვად წალამს, მათ გრძნობებში ჩაერევა ოქტომბერი.
ვაზს მოსწყვეტენ მწიფე მტევანს ღვინობისთვეს, გასინჯავენ მაჭარს, სანამ დაღვინდება, არ დალიოს? ოქტომბერში ვინ მოითმენს? ღვინობისთვეც ქეიფ-ქეიფ გაფრინდება.
ნოემბერსაც მისი მოაქვს ჟრიამული, გიორგობას მხიარულობს ერი, ბერი, შემოდგომა დაიღლება სიარულით, ძველ წელიწადს გააცილებს დეკემბერი.
კომენტარები |
ილუსტრაციები |
რეცენზიები |
|
9. კარგია, თუმცა უკეთესად შეიძლებოდა შესრულება. კარგია, თუმცა უკეთესად შეიძლებოდა შესრულება.
8. ულამაზესია, მაისიდან განსაკუთრებით!!! :*** 5! ულამაზესია, მაისიდან განსაკუთრებით!!! :*** 5!
7. ძალიან სუსტია მეგობარო არ მიყვარს პირფერობა... ჯერ რითმები უსუსტესი და მერე ნაწერიც :X წარმატებები და მეტი იმუშავე ლექსზე ძალიან სუსტია მეგობარო არ მიყვარს პირფერობა... ჯერ რითმები უსუსტესი და მერე ნაწერიც :X წარმატებები და მეტი იმუშავე ლექსზე
6. "ყურძენი რომ თავს დაუხრის მორცხვად წალამს, მათ გრძნობებში ჩაერევა ოქტომბერი."
სასკოლო რავიციი, აი ბაღის გამოსაშვებ ზეიმზე კი ვასწავლი ჩემს საბუკას ამ ლექსს)**
"ყურძენი რომ თავს დაუხრის მორცხვად წალამს, მათ გრძნობებში ჩაერევა ოქტომბერი."
სასკოლო რავიციი, აი ბაღის გამოსაშვებ ზეიმზე კი ვასწავლი ჩემს საბუკას ამ ლექსს)**
5. სექტემბერი ხავერდოვანს გეტყვის სალამს, გეამება სიო ზღვიდან მონაბერი, ჩემი თვეა:)++++ მოგიკითხა არტემ:) სექტემბერი ხავერდოვანს გეტყვის სალამს, გეამება სიო ზღვიდან მონაბერი, ჩემი თვეა:)++++ მოგიკითხა არტემ:)
4. .....და ამ სასკოლო ლექსებს თავისი წილი სითბო მოაქვს!!
ჩემგან+2
ყველა სიკეთე .....და ამ სასკოლო ლექსებს თავისი წილი სითბო მოაქვს!!
ჩემგან+2
ყველა სიკეთე
3. .....და ამ სასკოლო ლექსებს თავისი წილი სითბო მოაქვს!!
ჩემგან+2
ყვე;ა სიკეთე .....და ამ სასკოლო ლექსებს თავისი წილი სითბო მოაქვს!!
ჩემგან+2
ყვე;ა სიკეთე
2. ჩამოურაკრაკებია 12 თვე :)
სასკოლო ლექსია :) ჩამოურაკრაკებია 12 თვე :)
სასკოლო ლექსია :)
1. "ყურძენი რომ თავს დაუხრის მორცხვად წალამს, მათ გრძნობებში ჩაერევა ოქტომბერი."
:))))))
"ყურძენი რომ თავს დაუხრის მორცხვად წალამს, მათ გრძნობებში ჩაერევა ოქტომბერი."
:))))))
|
|
მონაცემები არ არის |
|
|