ნაწარმოები შეიცავს უცენზურო ფრაზებს

თუ თქვენ გინდათ ნახოთ მხოლოდ ეს ნაწარმოები, დააჭირეთ აქ

იწვა დათვი თავის ბუნაგში და მთელი თავისი უბადრუკი ცხოვრების მონაპოვარს,
არც მეტი, არც ნაკლები, ცერა თითს, ისე ვნებიანად ლოკავდა, გეგონებოდა
მილიონიანი საბანკო ანგარიშის ნომერი, ან ჩეკი, ან უბრალოდ შაქარ-ყინული უასაკოსთვის.
ვინც არ უნდაიყო შენ, შუბლზე მოდებული იარაღი პირში რომ ჩავიყავი,
ვიგრძენი როგორ ეხახუნებოდნენ ჩემი თეთრი კბილები ცივ, კანგაცლილ ლითონს.
სასიამოვნო ჟრუანტელმა დამიარა მთელს ტანში,
მოახლოვებულმა სიკვდილმა ბეწვი ამიყარა კანზე,
ყოველთვის ასეთმა მიმზიდველმა და ამაფორიაქებელმა
მიყუჩებულ ვნებათა და გულისთქმათა.
შენ ვინც აპირებ ტყვია ჩამასხა ფილტვებში, რომლითაც მე მოვრწყავ ჩემს საყვარელ
ქოთნის ყვავილებს და რომელსაც წყლად მივაწოდებ კეთროვანს, როგორც უკანასკნელ გულითად ხელის ჩამორთმევას კომპანიონის,
ან გადახვევას უახლოეს ადამიანთან, რომელიც შეიძლება ვაღებინო
შენს საყვარელ ადამიანზე, ან გარდაცვლილთა საფლავზე მოგიშარდო,
გმართებს იცოდე: მე დავწვი ჩემი საყვარელი ხატი ქრისტესი,
რომელიც ჰგავდა ჩემს ძმას, არა სასწაულმოქმედებით, რა თქმა უნდა,
უფრო სწორი ცხვირით და თვალების ფორმის მოყვანილობით,
შეიძლება გრძელი, ქერა წარბებით, რომელიც პლასტმასის ყუთში იყო
გამოკეტილი და თან ხრჩოლავდა საშინელ სუნზე, როგორც ხანძარი ნაგავსაყრელზე.
ამ თვის ბოლომდე დაგეგმილი შენი მკვლელობა ჯერ არ ამოღებულა დღის წესრიგიდან, რომელიც არც ხსნად და არც პროტესტად არაა ჩაფიქრებული.
ის დროებით განუხორციელებელ იდეად რჩება.
მე გთხოვ ნუ გამომცდი, რადგან ვინც არ უნდა იყო შენ - მოგკლავ!
შავი ხელთათმანების ანაბეჭდი დააჩნდება შენს ყელს,
თვირთსაზიდ ლიფტში როცა საკუთარი ხელით დაგახრჩობ.

(კონტექსტიდან ამოვარდნა)
- მითხარი, სიყვარულმა ყოველთვის უნდა გაიმარჯვოს?
- უკლებლივ!

როგორც არ უნდა დაგინახო შენ, ქვეყანავ ჩემო,
განათლებულთა და იმბეცილთა, სხვისი ცხოვრების და ხელების შემყურე ქვეყანავ,
ქვეყანავ უკიდურეს პესიმისტთა და მეოცნებეთა, ქვეყანავ აკვანო სამყაროსი,
ქურდებისა და კაი ბიჭების ქვეყანავ, ვაჟკაცთა და პატიოსანთა, დებილთა ქვეყანავ,
ქვეყანავ სირცხილო და ჩირქო გადმომსკდარო, მტვინის მჭამელო და სულის შემხუთავო ქვეყანავ, უმომავლოთა ქვეყანავ, ქვეყანავ ექიმთა, იურისტთა, პოლიტიკოსთა და ბინძურთა ქვეყანავ, მშრომელთა და ლოთთა, ნარკომანთა და მოთამაშეთა,პროფესორ-აკადემიკოსთა და ასისტენტ-პროფესორთა ქვეყანავ, ბლუ სტუდენტთა და გამოლენჩებულ მოსწავლეთა ქვეყანავ,
დიდი ისტორიის მქონე ქვეყანავ, გამყიდველთა და მყიდველთა, აღებთა და მიმცემთა ქვეყანავ, ფარაონთა ქვეყანავ, მეფეთა და მოკლულ პრეზიდენტთა ქვეყანავ, ბოზ დედოფალთა და ცოცხალ წმინდანთა ქვეყანავ,
უსინდისოთა და გადამგდებთა ქვეყანავ, შეცდომითო ქვეყანავ, უნახავო ქვეყანავ,
ღვთისმშობლის წილხვედრო ქვეყანავ, ქვეყანავ ტრადიციულ და არატრადიციულ ორიენტაციათა, არეულორიენტაციათა ქვეყანავ, ექსტრემისტთა, ანარქისტთა და პაციფისტთა ქვეყანავ, ცრემლების ქვეყანავ, მთაგორიანო და ლამაზ ციანო ქვეყანავ,
ქვეყანავ დალოცვილო და ნულოვანო, დაღუპული გმირების ქვეყანავ, გარეულთა ქვეყანავ, შინაურთა შეუბრალებელო და დაბალი დონის ქვეყანავ, განუვითარებელო და უშედეგო ქვეყანავ, დაუნიზმით დაავადებულთა ქვეყანავ, გრძელცხვირიანთა და პირუტყვთა ქვეყანავ, ფსიქოპატთა და ცოლის მცემელთა, ბავშვების გამყიდველთა ქვეყანავ, არისტოკრატთა და გლეხთა, ხიდჩატეხილთა და დროში ჩარჩენილთა ქვეყანავ, მომპარავთა ქვეყანავ, ზიზღით სავსე და შურიანო, ბოღმაში ჩახრჩობილო,
ნაღველში მოცურავე მკვდარი სულების ქვეყანავ, გაგაბეთა ქვეყანავ, მძარცველთა და უმანკოთა, წესიერ დედათა და საშოადღვებილ მეძავთა ქვეყანავ, უარაფროთა ქვეყანავ, ამაო ქვეყანავ, ცრუ და არარსებულო, მირაჟისა და კოშმარულ სიზმართა ქვეყანავ, ყარაჩოღელთა და კინტოთა, ამქარისა და მეგობრობის ქვეყანავ,
მსოფლიოს გულო და ცენტრო, ქრისტიანთა, მუსლიმთა, ბუდისტთა და იუდეველთა ქვეყანავ, სექტანტთა ქვეყანავ, ყველასთან და ყველაფერში მართალო ქვეყანავ,
სტრიპტიზიორთა და დაქირავებულ მკვლელთა ქვეყანავ, პოეტთა და მხატვართა, მწერალთა და ფილოსოფოსთა, კრიტიკოსთა და უნივერსალურ ადამიანებით დაკომპლექტებულო ქვეყანავ, თვითმკვლელთა ქვეყანავ, შუბლზე ძარღვგაწყვეტილო ქვეყანავ, წაწყმედილო, შენივე შვილთა მიერ მოკლულო ქვეყანავ, ნაწამებო ქვეყანავ, გაუტეხელო ქვეყანავ, ფურთხის ღირსო ქვეყანავ, პატრიოტთა ქვეყანავ, ყოვლისშემძლე ქვეყანავ, შიდსიანო და კიბოიანო ქვეყანავ, ქალიშვილთა და ვაჟიშვილთა ქვეყანავ, უკურნებელ სენთა შემყრელო, შეუმცდართა და შემცდართა ქვეყანავ, უნიჭოთა და უგემოვნოთა ქვეყანავ, მოსალოდნელ კომენტართა ქვეყანავ, ნეიტრალურო, ბრძენთა და სირთა ქვეყანავ, საკუთარ ნეხვში ჩაფლულო ქვეყანავ, უკულტუროთა ქვეყანავ, მიწადმოქმედთა და ხარის სიმბოლო ქვეყანავ, საყვარლებისა და ალფონსების ქვეყანავ, შაქრიანი და წყლიანი ღვინის ქვეყანავ, ამბოხებულთა ქვეყანავ, ანალურად ნახმარო ქვეყანავ, ინცესტით დაბადებულო ქვეყანავ, მთაწმინდის ქვეყანავ, წყლის ქვეყანავ, საბრალო ქვეყანავ, ყრუთა ქვეყანავ, მუნჯო და ინვალიდო, დავარდნილო და ბრმაო ქვეყანავ, არშემდგართა ქვეყანავ, მოძღვართა ქვეყანავ, როგორიც არ უნდა იყო შენ - მოგკლავ!

(საფეთქლებიდან სისხლმა გამოჟონა)
- მითხარი, რისი ღირსია ის ხალხი ვინც ხელს გვიშლის ბედნიერებაში?
- ...

გამოღვიძებულ დათვის ღრიალზე, რომელმაც მოულოდნელად
თითი მოიჭამა, დაფრთხნენ, თუმცა გვიანი იყო.
არაფერია გამძვინვარებულ დათვზე საზარელი.
არავინ იცის სადამდე მივა იგი.

ჩემო, შენ უნდა გადასცე ეს სიტყვები, როგორც წერილი, ადრესატს:

მის.: ქალაქი X, X რაიონი, კორპუსი N? , სადარბაზო X, სართული X, ბინა N?
მე ვიცი რომელ საათზე იღვიძებ დილით, ცივი წყლით რომ იბან ხელ-პირს, კბილებს არ იხეხავ, ფრჩხილებს საკმაოდ მოზრდილს ატარებ, შიგ ჩამჯდარი ჭუჭყით, საჩვენებელ თითზე მე რომ შემიმჩნევია.
ყოველთვის სუფთად იპარსავ სახეს, თმებს დაბალზე ატარებ, ვიცი სად ცხოვრობ,
ვიცი შენი ჩვევები, ვინ მოგწონს, ვინ გიყვარს, ვისთან გინდა ვნებიანი სექსი, ვისი კი, უბრალოდ გაჟიმვა, შენი ნაბიჯების არეული ტრაექტორია და არაპროპორციულობაც ვიცი, რა პასუხ სგასცემ ამა თუ იმ შეკითხვას.
ვიცი შენს სადარბაზოში პირველ კიბეს 7 საფეხური აქვს, შენ ალბათ არც კი შეგიმჩნევია, არც დაინტერესებულხარ, შემდეგ 15 და ასე ბოლომდე, მე-16 სართულამდე.
შესასვლელში რომ მეზობლის ძაღლი წევს,მოკვდა, მალე აშმორდება და მიცვალებულის სუნს გადმოგდებს.
ვიცი რომელი პუნქტიდან, რომელ პუნქტამდე მგზავრობ.
რომელი მიწისქვეშა გადსასვლელით სარგებლობ, რომელი ჩიხით.
თითზე რამდენ გრამიანი ოქრო გიკეთია, კისერზე ბზის ჯვარი, ყავისფერი,
თეთრ ძაფზე გამობმული ჩამოგიხრჩვია ღმერთი.
ხელში შავი, გიშრის კრიალოსანი, 33 თვლიანი.
ყოველ ჯერზე როცა ეკლესია გამოჩნდება შორს პირჯვარს იწერ.
სალოცავ სანთელს სულის შებერვით აქრობ.
მე ყველაფერი ვიცი შენზე და შემიძლია შენი მდორე ცხოვრების რიტმი
შევაჩერო, მხოლოდ ერთი ხელის მოძრაობით,
ყველაფერს თავდაყირა დავაყენებ.
ნუ გამოცდი ჩემს მოთმინებას".

(დასასრულის სიახლოვე)
- ასე უნდა მელოდო, ბოლომდე?
- როგორც ყოველთვის.

დათვი, რომელიც სისხლს ეძებდა ბუნაგს უბრუნდება.