"მოგებულია ომი, მაგრამ არა მშვიდობა!"
                აინშტაინი

კარგად შეხედე დედაჩემო!
სისხლთა მდინარეს
ძვალთა მთა-გორებს,

უნდათ მოყვასი შეაჩვენონ
სად არ ვიარე
ვერ გავაგონე!

სისხლი რამ გაყო? ფერი კანის რამ?
დედაო ღვთისავ,
ან ჩემო დედავ,

მოყვასის სისხლი როგორ დავისხა
უფლება მომცა
ამდენს რომ ვბედავ?!

მავთულხლართებით ზომავენ საზღვარს
ვნამავ ბალიშებს
გვაწვიმს ტყვიები,

"შენ სისხლო ჩემო" დაღვრილი სად ხარ
ჯაჭვებს ავიშვებ
და გავფრინდები.

დე, ხომ იტირებ ხორცის ნაწილებს?
ასე დარდობენ
სხვებიც შვილებს და

მე ჩემი ყოფა უხმოდ გავწირე
და თუ სათქმელი ვერ გაგაგონეთ
მაშ, არაფერი გვეპატიება!