ნაწარმოებები


გამოიწვიე პოზიტივისათვის     * * *     შეიხედეთ ლიტ-მოვლენაში     * * *     ურაკპარაკის მობილური ვერსია!!!     * * *     შეიხედეთ თემაში: ურაკპარაკის ფორუმი >> ლიტერატურული საიტის შესახებ >> ურაკპარაკის მობილური ვერსია - http://urakparaki.com/?m=13&Forum=1&Theme=1509

ავტორი: გიო ზედვაკელი
ჟანრი: საბავშვო
11 მარტი, 2014


მამა წამიყვანს ტყეში (ციკლიდან ,,ნიცას ლექსები,,)

მამა  წამიყვანს ტყეში,
გზა-გზა ვაგროვებ  იებს,
მერე ვაჩუქებ  დედას
და ისიც მაპატიებს
დასვრილ კალთას და ხელებს,
ეკლით დაკაწრულ თითებს.
ყველა  წყაროს და ღელეს,
ბუჩქებს და მთების კიდეს-
შემომატარებს მამა.
მე არ ვიღლები,არა!
მიყვება მწვანე მინდორს
ჩვენი მეზობლის ფარა.
უცებ გავქრები...ყვირის
მამიკო:
-სად ხარ,გოგო?
-სოკოზე.
-რა დროს,აბა?
ახლა რა უნდა სოკოს?!.
წავიდეთ, უკვე დროა,
დედა მოგელის,ნიცა.
-დამპირდი,ისევ მოვალთ?
-გპირდები,შენ თავს  ვფიცავ.

გამოვიარეთ ლიპი,
ვეშვებით გორზე ,,ურით".
კარი გამიღეთ: ,,პი-პი",
სავსე ვარ სიხარულით!

კომენტარები ილუსტრაციები რეცენზიები