ნაწარმოებები


ურაკპარაკის მობილური ვერსია!!!     * * *     შეიხედეთ თემაში: ურაკპარაკის ფორუმი >> ლიტერატურული საიტის შესახებ >> ურაკპარაკის მობილური ვერსია - http://urakparaki.com/?m=13&Forum=1&Theme=1509

ავტორი: რ_____ო_____ი
ჟანრი: პოეზია
7 ივლისი, 2014


ბ ა ბ უ ა

ერთი კაცი იყო. უბრალო.
ერთიც უმიზეზო სოფელი,
ახლაც თვალწინ მიდგას უფალო,
მისი საოცარი პროფილი.
ხუთი ვაჟი ჰყავდა ომამდე,
ხუთი თითი ჰქონდა დაზგამდე,
შემდეგ ხსოვნას - ხოტბას ასხამდნენ,
შემდეგ ტკივილები მომრავლდა.
ორი ვაჟი შერჩა ბაბუას,
ორი თითი შერჩა ბაბუას,
ბედმა უდარდელად ცხოვრებას,
სიბერეშიც არ შეაგუა.
ბოლოს ლოცვა დაიმეგობრა,
მაგ დროს კადრი ჩანდა ისე რომ -
თითქოს თითზე უფრო დარდობდა,
- ღმერთო,
პირჯვარს ვეღარ ვიწერო...

კომენტარები ილუსტრაციები რეცენზიები