ნაწარმოებები



ავტორი: ზაზა_გაბეჩავა
ჟანრი: სხვა
ამ ჟანრის ნაწარმოებები არ ფასდება
9 სექტემბერი, 2014


გარდატეხა

როცა დაჰბერავს ფოთლებიდან მელანქოლია
მზეს მოაკლდება  მწველი ძალა, ჩნდება სიცივეც.
ეს ხასიათი ღრუბლებიდან ხელნაქროლია
ნაცნობ ხელწერას აჩენს ცაზე,  ასე  იცის ეს...

წითელ ფოთლებში იდუმალმა მზეების კვდომამ...
თითქოს ძარღვებში მწვანე ფერებს სჭირთ  გრადაცია
უთვალავ ფერთან...ცივ ქარებთან და შემოდგომა
ფარფატით მოდის....ოქტომბერი ფრთხილად გაცვია.


წვიმიან მინას მიბნევია ნარნარი სუნთქვა,
ვით  გაფითრება თეთრი  ნისლის ,ხმაგაკმენდილი...
გზაზე წვიმაა და ფოთლები...  როგორ გინდა  თქვა
წახვიდე იქით, სადაც მზეა, სადაც  აპრილი...


მაგრამ სეზონი მუხლებამდე ჩამოგწვდა თითქმის.
გამოანათებს. ხეივანში მი...შარი-შურობ...
უცნობი ლედი, უკან მოგსდევს სურნელი ,,Pink''-ის
შემოდგომაა....მთელ  ვაკის პარკს სურს , რომ  გიყუროს.

კომენტარები ილუსტრაციები რეცენზიები