სანამ  სიგარეტი მოვწიე,
სანამ გადმოვიღე თაროდან
ჩემი საყვარელი  კოწია,
ლექსი ფანჯარაში  გამოდნა.

სანამ წავიდოდი ლოგინში,
ისეთ ღვინოს  ვსვამდი,რომ ღირდა.
დოღი იწყებოდა  ოდიშში,
უკან  ბრუნდებოდნენ დოღიდან.

და მთვრალი მიედები რას აღარ,
ლექსი გეგონება თამაში.
ენგურს  მიჰყვებოდა არზაყან,
მთვარეს მიდენიდა თარაში.

სანამ  სიგარეტი მოვწიე,
სანამ გადმოვიღე თაროდან
ჩემი საყვარელი  კოწია,
ლექსი ფანჯარაში  გამოდნა.