მხოლოდ ამას გთხოვ, თავს ნუ მოიკლავ უჩემოდ, მარტო
და ერთგულების ფიცით შევახოთ თითებს თითები,
პირობას გაძლევ, არ გაგექცევი შენი სიზმრიდან,
სიკვდილის დღემდე, ვერავინ გაგვყრის, ერთად ვიქნებით.
ერთი ოცნებით, ვისუნთქოთ ერთად ღრმა სიბერემდე,
ასე მგონია, სინქრონში სუნთქვა უკვე ფიცია,
მთვარეა მოწმე, უკვე რამდენჯერ გამოვიარეთ
ღამის თენებაც, "ძილიც_სიკვდილის რეპეტიცია".
თუკი სიცოცხლე დაგვიშაქრდება მაისის თაფლად,
(ჩემო ძვირფასო ძალიან მინდა, რომ იყოს ასე)
ჩვენგან პირველი თუ შევეხები ანგელოზს ფრთათეთრს,
მაშინ სიკვდილსაც ამ სიყვარულის დავარქმევ სახელს.