ნაწარმოებები


გამარჯვებას ვუსურვებთ გმირ უკრაინელ ხალხს რუს აგრესორზე. დიდება უკრაინას !!!     * * *     Сла́ва Украї́ні !!!

ავტორი: თანანა
ჟანრი: პოეზია
12 მარტი, 2015


რაც არ არი, არ არიო...

ქარი ქალაქს უბერავდა ალმაცერად,
საზეიმოდ არც ვის ჰქონდა თავი და...
დრომ მიხვდა და ჩამოუშვა დაბლა ცერი,
მერე ადგა და სცენიდან გავიდა...
ხელისუფალს მსუყედ სურდა აღლუმობა,
ნასისხლარზე ჯარის გავლას ბრძანებდა.
თვითონ სწამდა უდარდელი უღრუბლობის,
სასაცილოდ კი მოჩანდა გარედან...
დროში ეს დროც თვალის ერთი ხამხამია,
ყველაფერი ისევ წრეზე ტრიალებს.
ხალხს იმედი დაავიწყდა, რა ხანია,
ოცნებებიც ვერ ხარობენ ტიალზე...
საკუთარ კუდს ძაღლი წრეზე ისევ  დასდევს,
არ მოხერხდა ჭკუით თვალის  გახელა.
დაგპირდება "მომავალი" უსურვაზებს,
არც იფიქრო, აგისრულოს ნახევრად!..
რაც არ ახდა, ეგ არ არის მთავარიო,
თვალში ნაცარს ისევ გაყრის მავანი!
კიდევ ერთი აფრენილი ალალია,
გაშვებული ცისკენ ჰარი-ჰარალით!!!
          06.03.15





კომენტარები ილუსტრაციები რეცენზიები