გთხოვთ, დედაჩემთან არ გამთქვათ და, მგონი, დაბერდა. უჭირს გარჩევა სახეთა და ხმათა და ფერთა. ეგ არაფერი, მაგრამ რაღაც დარდიც დასჩემდა, ბოლო დროს იქცა განუწყვეტელ საფიქრად ჩვენდა.
ამას წინათ კი ცოტა თავიც მოიმკვდარუნა, შვილები როგორ შეგვაშინა, კითხვა არ უნდა. თქვა, მოვიფიქრე, რაც უშველის სატკივარს ჩემსო, წამალი ვიცი, მომაკვდავსაც რომ მომარჩენსო,
ყველანი სახლებს გავყიდით და ვიყიდით მიწას,- - (ოცნების სხივმა გაუელვა თვალებში იმწამს) - - სახლს ავაშენებთ საზიაროს, ოღონდაც ოთხი კარი ექნება - ყველა მხრიდან, დარი სამოთხის
გვექნება ყოფა, სულ თანაბრად თუ გაიყოფა ეზო-კარი და სიკვდილამდე ლხინად მეყოფა, მთელ ჩემს მონაგარს იქ, ერთჭერქვეშ ვიხილავ როცა, ვიტყვი, დედა ვარ ბედნიერი, ამიხდა ლოცვა.
აღარ დამრჩება გულში დარდის მეათასედიც, აბა, მითხარით, ვის უნახავს ბუდე ასეთი! (თითქოს გამჩენმა საზრუნავი გამოულია, მიწის საძებნად თურმე ამის გამო უვლია).
მაღალ ბალიშზე - თმა, გულდაგულ ანაფუარი, მაქმანიანი გულისპირი ლურჯ პენუარის... რა ქნა, როგორ ქნა! როგორ უთხრა დედას უარი, თან, მით უმეტეს, მწოლიარე შენ წინ თუ არის!
მივუგე:- არის ქვეყნად უკვე ერთი ადგილი, სადაც ყველანი ვეტევით და არის ადვილი მიგნება მუდამ, განა მართლა დაკარგულია, და ეს ადგილი სანეტარო - დედის გულია!
კომენტარები |
ილუსტრაციები |
რეცენზიები |
|
4. რა თბილი სიტყვებია ^^ 2 :* ყველა დედას ხანგრძლივი და ბედნიერი წუთებით აღსავსე სიცოცხლე <3 რა თბილი სიტყვებია ^^ 2 :* ყველა დედას ხანგრძლივი და ბედნიერი წუთებით აღსავსე სიცოცხლე <3
3. და ეს ადგილი სანეტარო - დედის გულია! - მომეთბილა აქ... მადლობა და ეს ადგილი სანეტარო - დედის გულია! - მომეთბილა აქ... მადლობა
2. "გთხოვთ დედაჩემთან არ გამთქვათ "- ს შევცვლიდი "- არ მინდა დედამ იგრძნოს, როგორ დაბერდა" ან რამე ამდაგვარი
"გთხოვთ დედაჩემთან არ გამთქვათ "- ს შევცვლიდი "- არ მინდა დედამ იგრძნოს, როგორ დაბერდა" ან რამე ამდაგვარი
|
|
მონაცემები არ არის |
|
|