ნაწარმოებები


    * * *    

ავტორი: ოთარ ცისკაძე
ჟანრი: თარგმანი
11 აგვისტო, 2015


უილიამ შექსპირი - სონეტი XXII (საბოლოო ვერსია)

არ დავუჯერებ სარკეს მანამ  ჩემს სიჭარმაგეს,
ერთი ასაკის სანამდე ხართ შენ და სინორჩე,
ოდეს ჟამთასვლა დაღს დაასვამს შენს ძვირფას სახეს,
მაშინ სიცოცხლეც აღარ მიღირს - ჯობია მორჩეს!

შენი მშვენება სამოსელად გულმა ინატრა,
ჭაბუკის გულის ჩამინერგე ძალუმი ძგერა,
ჩემი გული კი შენმა მკერდმა დააბინადრა,
ამიერიდან ვინღა ჩამთვლის, ძვირფასო, ბებრად?

ამიტომ შეგთხოვ, იყო უფრო წინდახედული,
არ გადააწყდე ნაადრევად დამღუპველ უკუნს,
შენს გულს ვატარებ, თორემ განა ვარ წამხედური
მზრუნველი ძიძის, ჩემს თავზე რომ ვაპირებ რუდუნს.

ვერ დაიბრუნებ გულს, თუ  ბნელი ჩემს გულს  ჩაჩუმქრავს,
მას არ ვაბრუნებ, რაც მომეცი ერთხელ საჩუქრად.

11 აგვისტო, 2015 წ.



William Shakespeare – Sonnet XXII

My glass shall not persuade me I am old,
So long as youth and thou are of one date;
But when in thee time's furrows I behold,
Then look I death my days should expiate.

For all that beauty that doth cover thee
Is but the seemly raiment of my heart,
Which in thy breast doth live, as thine in me:
How can I then be elder than thou art?

O, therefore, love, be of thyself so wary
As I, not for myself, but for thee will;
Bearing thy heart, which I will keep so chary
As tender nurse her babe from faring ill.

Presume not on thy heart when mine is slain;
Thou gavest me thine, not to give back again.



უილიამ  შექსპირი - სონეტი XXII (ძველი ვერსია) -თარგმნა ოთარ ცისკაძემ


არ დავუჯერებ სარკეს მანამ  ჩემს მხცოვანებას,
ერთი ასაკის სანამდე ხართ შენ და სინორჩე,
ძვირფას სახეზე ორნატი როს გაიყვანება,
მაშინ სიცოცხლეც აღარ მიღირს - ჯობია, მორჩეს!

შენი მშვენება სამოსელად გულმა ინატრა,
ჭაბუკის გულის ჩამინერგე ძალუმი ძგერა,
ჩემი გული კი შენმა მკერდმა დააბინადრა,
ამიერიდან ვინღა ჩამთვლის, ძვირფასო, ბებრად?

ამიტომ შეგთხოვ, იყო უფრო წინდახედული,
არ გადააწყდე ნაადრევად დამღუპველ უკუნს,
შენს გულს ვატარებ, თორემ განა ვარ წამხედური
მზრუნველი ძიძის, ჩემს თავზე რომ ვაპირებ რუდუნს.

ვერ დაიბრუნებ გულს თუ  ბნელი ჩემს გულს  ჩაჩუმქრავს,
მას არ ვაბრუნებ, რაც მომეცი ერთხელ საჩუქრად.

19 ოქტომბერი, 2013 წ.

კომენტარები ილუსტრაციები რეცენზიები