ნაწარმოებები



ავტორი: მათე
ჟანრი: პოეზია
1 იანვარი, 2009


საახალწლო ზმანებანი...

                      ***********
... და სიხარულის მშვენიერი იდგა ზეობა...
ფიფქით ნაქსოვი ღიმილების მსუბუქი კაბა...
და... უცნაური გარინდება ერთი წამისა...
ოდნავ შეხება...
                        იყო?...
                                    არ იყო?...
სიზმრად?...
                    თუ ცხადად?...
დედოფალი თეთრი ღამისა...

                    ***********
ნიღაბთა სრბოლა...
                          ფერთა ტრიალი...
ვალსით?!...
                  ო, არა!... ტანგოს რიტმებით...
ჩამოტარებით?!...
                      ო, არა!...მხოლოდ ჩადგმით რიგებში...
ბოლომდე დაცლით!
                              შამპანურის მოშუშხუნე, ცივი შხეფები... 
და ღიმილი სულ უცნობი შავი ნიღბისა...

                  **************
ნაბიჯი ჩუმი და მსუბუქი...
                      გადაწეული კუთხე სუფრისა...
მინის იქიდან ღამეული ცა დაფეთებით
                      გულს შეასკდება...
აღარ გასკდება?!...
რა სიჩუმეა...
                    თეთრი ფანტელი
თითქოს დამღერის...
                    თოვლის სითეთრეს მინებებული...
აწ დაცლილი ჭრელი შუშხუნა...
                                    ნუთუ ასეა?...
ფიფქით ნაქსოვი ღიმილების მსუბუქი კაბა...
                                      რა მალე გაცვდა?!...
და სიხარულის მშვენიერი დიდი ზეობა
                                      სადღაც განქარდა...
გაპარულა დედოფალიც თეთრი ღამისა...

კვლავ ფიქრთა დევნა...
                            მოუღლელი ფიფქების ცვენა...
და საახალწლო ზმანებანი ისევ ამიხდა...
                                                                    1 იანვარი 2009 წელი.     

კომენტარები ილუსტრაციები რეცენზიები