ნაწარმოებები


ურაკპარაკის მობილური ვერსია!!!     * * *     შეიხედეთ თემაში: ურაკპარაკის ფორუმი >> ლიტერატურული საიტის შესახებ >> ურაკპარაკის მობილური ვერსია - http://urakparaki.com/?m=13&Forum=1&Theme=1509

ავტორი: რობერტ მესხი
ჟანრი: პოეზია
5 იანვარი, 2009


ხელთათმანები


სპაზმი აქვს ქუჩას,
ტროტუარზე დანთებული კოცონი აღარ შველის,
არც ნაცრისფერი კატის ბალიშები.
წუხს.
თუჯის საქვაბეებს არაკუნებს.
დაგ-დაგ...
დაგ-დაგ...
გულისძგერას ბაძავს.

ყინვა არათითით იწყებს...
ხელთათმანები დაგრჩაო, - მახსენებს, -
ხელები დაგრჩაო,
ხელები!..

სად მივდიოდი?!.

ჩვენი ხელები - ერთმანეთის ხელთათმანები -
ამ სიცივეში,
ამ გლოვაში...
უერთმანეთოდ...

ყინავს...




კომენტარები ილუსტრაციები რეცენზიები