ნაწარმოებები


ახალი კონკურსი “ლილე-2020“     * * *     დაწვრილებით ფორუმზე: ურაკპარაკის ფორუმი >> კონკურსები >> ლილე-2020     * * *     http://urakparaki.com/?m=13&Theme=1519     * * *    

ავტორი: რ_____ო_____ი
ჟანრი: პოეზია
15 მაისი, 2016


ჩემს მეგობრებს

სურვილი საუბარში გაიფანტა,
დიდებული, არათუ შესაზარი
და სანამ მთვარე პირს დაიბანდა,
ერთმანეთს ხიდის ქვეშ შევასწარით.

ბიჭებმა ბახუსის ჭრილობები,
ორგანიზმს ოქროს სითხით აუვსეს
და სანამ ლექსები გვკითხულობდნენ,
წვიმებიც აკეთებდნენ პაუზებს.

მხოლოდ ლექსიც - ვერაფერს გვიშველიდა,
საღამო საუბარმა გარინდა,
ვიღაცამ წამოიწყო პირველი და
"ჩაკრულო" ჩამოვარდა მთვარიდან.

"გზაზე ერთი კაცი მიდიოდა"
"სილაჟვარდე ანუ ვარდი სილაში"...
კამათში დოსტოევსკის "იდიოტი"
ვერაფერს ვამჯობინეთ - ჭილაძის...

და ასე მისხალ-მისხალ დაიცალა,
ერთი ბათუმური ხელადა,
ზღვა იმ დღეს მეტისმეტად წყნარი იყო
და ჩვენი სიყვარული ღელავდა!...

კომენტარები ილუსტრაციები რეცენზიები