ნაწარმოებები


გამოიწვიე პოზიტივისათვის     * * *     შეიხედეთ ლიტ-მოვლენაში     * * *     ურაკპარაკის მობილური ვერსია!!!     * * *     შეიხედეთ თემაში: ურაკპარაკის ფორუმი >> ლიტერატურული საიტის შესახებ >> ურაკპარაკის მობილური ვერსია - http://urakparaki.com/?m=13&Forum=1&Theme=1509

ავტორი: გიო ზედვაკელი
ჟანრი: პოეზია
16 მაისი, 2016


მაინც როგორ მიყვარხარ...

მაინც  როგორ  მიყვარხარ,მაისის ამ  წვიმის
შემდეგაც კი თბილისო,როცა ნავთის  სურნელს
აფრქვევს შენი  ქუჩები და გზები ჩემი წილი
ამიბნევენ თავ-გზას და დამკარგავენ  სულელს

და  მეძებენ სახლიდან  ცოლი,დედა,ძმები,
სადღაც შენში  ჩაკარგულს და  ხესავით დარგულს.
ალბათ, გიჟ-პოეტებთან დიდუბეში ვძღები
და მთელი დღე  გიკითხავ ლექსებს, ჩემო კარგო.

გადავდივართ  ხიდებს  და თან  რა ხიდებს,კაცო:
ტატოს,გალაკტიონის,თამარ მეფის  ხიდებს!
შემოგხვდება ვიღაცა, სახეზეც რომ  არ გვცნობს,
ერთ ღერს ითხოვს მორცხვად  და  ვალში მოგვიკიდებს.

მაინც როგორ მიყვარხარ,ამ მაისის წვიმის
შემდეგ ჩემო თბილისო,შენ ხარ ლექსის მექა.
მე შენ მელამაზები სხვების პარიზივით,
კიდევ უნდა დაგლოცო და ჯიბეებს ვქექავ!




კომენტარები ილუსტრაციები რეცენზიები