გამზირი.
კაფეები,
სარდაფი-თეატრები,
რეცეპტი "საცობები"
საღამომ გამოწერა
ნერვების დასაგლეჯად.
შორსა ხარ,
მენატრები,
რა მაგრად გაკოცებდი!
......................................
გალუმპულ ყაყაჩოებს
დავეცი ყაჩაღივით,
მინდა,რომ გიზგიზებდნენ
ოთახში  ჩირაღდნებად!
.........................................
ლოტოში მოგებული მაქვს შენი  სიყვარული,
რომელიც წლები არის ნელ-ნელა მინაღდდება.
..........................................
ქაღალდის თვითმფრინავებს ვაკეთებ სერიულად,
შვილებს -სიხარული,საქმეს -გადადება!
ყეფს ძაღლი ნერვიულად და  ჩვენი  ვიტრინიდან
ჩანს წვიმა გადაბმული,ერთადერთ სადარდებლად.